BaBBu
Prime VIP
ਜਿਸ ਦਿਨ ਦਾ ਲਿਖਵਾ ਬੈਠੇ ਹਾਂ ਅਪਣੀ ਬ੍ਹਾਂ 'ਤੇ ਤੇਰਾ ਨਾਂ ।
ਉਸ ਦਿਨ ਦਾ ਭੁਲ ਬੈਠੇ ਅਪਣਾ ਪਤਾ, ਟਿਕਾਣਾ, ਸ਼ਹਿਰ ਗਰਾਂ ।
ਪੱਤਾ ਡਿੱਗਿਆ ਵੀ ਕੁੰਡਲ ਬਣ ਜਾਣ ਖੜੋਤੇ ਪਾਣੀ 'ਤੇ,
ਸ਼ੂਕਦੀਆਂ ਨਦੀਆਂ ਵਿਚ ਪੱਥਰ ਦੀ ਆਵਾਜ਼ ਵੀ ਉਭਰੇ ਨਾਂ।
ਸਿਖ਼ਰ ਦੁਪਹਿਰੇ, ਸੜਦੀ ਰੁੱਤੇ, ਇਹਨਾਂ ਤੋਂ ਤੁਰ ਬਚ ਬਚਕੇ,
ਬੜੀ ਛਲਾਵੀ ਤੇ ਠਗਣੀ ਹੈ, ਉੱਚੀਆਂ ਦੀਵਾਰਾਂ ਦੀ ਛਾਂ।
ਲੋਕੀ ਕਹਿੰਦੇ ਰਾਤੀਂ ਉਸ ਵਿਚ ਰੂਹਾਂ ਰੋਂਦੀਆਂ ਸੁਣਦੀਆਂ ਨੇ,
ਜਿਸ ਖੰਡਰ ਵਿਚ ਇਕ ਦਿਨ ਆਪਾਂ, ਬਹਿ ਕੇ ਦੋਵੇਂ ਰੋਏ ਸਾਂ ।
ਅਪਣਾ ਅਪਣਾ ਬੂਹਾ ਲਾ ਕੇ, ਲੋਕੀਂ ਅੰਦਰ ਬੈਠੇ ਰਹੇ,
ਇਸ ਮੌਸਮ ਦੇ ਸਰਦ-ਵਤੀਰੇ ਦੀ ਗੱਲ ਕਿਸ ਦੇ ਨਾਲ ਕਰਾਂ।
ਗ਼ਮ ਨਾ ਕਰ ਵੇਲਾ ਲੰਘਣ 'ਤੇ, ਲੋਕੀ ਸਭ ਕੁਝ ਭੁਲ ਜਾਂਦੇ,
ਏਸ ਨਗਰ ਵਿਚ ਮੈਂ ਵੀ ਇਕ ਦਿਨ, ਘਰ ਘਰ ਕਿੱਸਾ ਬਣਿਆ ਸਾਂ।
ਇਕ ਵੇਲਾ ਸੀ ਮੈਂ ਤੈਨੂੰ ਹਰ ਗੱਲ ਪੁਛਦਾ ਤੇ ਦਸਦਾ ਸਾਂ,
ਹੁਣ ਤੇਰੀ ਖੁਣਸੀ ਆਦਤ ਤੋਂ, ਹਰ ਵੇਲੇ 'ਜਗਤਾਰ' ਡਰਾਂ।
ਉਸ ਦਿਨ ਦਾ ਭੁਲ ਬੈਠੇ ਅਪਣਾ ਪਤਾ, ਟਿਕਾਣਾ, ਸ਼ਹਿਰ ਗਰਾਂ ।
ਪੱਤਾ ਡਿੱਗਿਆ ਵੀ ਕੁੰਡਲ ਬਣ ਜਾਣ ਖੜੋਤੇ ਪਾਣੀ 'ਤੇ,
ਸ਼ੂਕਦੀਆਂ ਨਦੀਆਂ ਵਿਚ ਪੱਥਰ ਦੀ ਆਵਾਜ਼ ਵੀ ਉਭਰੇ ਨਾਂ।
ਸਿਖ਼ਰ ਦੁਪਹਿਰੇ, ਸੜਦੀ ਰੁੱਤੇ, ਇਹਨਾਂ ਤੋਂ ਤੁਰ ਬਚ ਬਚਕੇ,
ਬੜੀ ਛਲਾਵੀ ਤੇ ਠਗਣੀ ਹੈ, ਉੱਚੀਆਂ ਦੀਵਾਰਾਂ ਦੀ ਛਾਂ।
ਲੋਕੀ ਕਹਿੰਦੇ ਰਾਤੀਂ ਉਸ ਵਿਚ ਰੂਹਾਂ ਰੋਂਦੀਆਂ ਸੁਣਦੀਆਂ ਨੇ,
ਜਿਸ ਖੰਡਰ ਵਿਚ ਇਕ ਦਿਨ ਆਪਾਂ, ਬਹਿ ਕੇ ਦੋਵੇਂ ਰੋਏ ਸਾਂ ।
ਅਪਣਾ ਅਪਣਾ ਬੂਹਾ ਲਾ ਕੇ, ਲੋਕੀਂ ਅੰਦਰ ਬੈਠੇ ਰਹੇ,
ਇਸ ਮੌਸਮ ਦੇ ਸਰਦ-ਵਤੀਰੇ ਦੀ ਗੱਲ ਕਿਸ ਦੇ ਨਾਲ ਕਰਾਂ।
ਗ਼ਮ ਨਾ ਕਰ ਵੇਲਾ ਲੰਘਣ 'ਤੇ, ਲੋਕੀ ਸਭ ਕੁਝ ਭੁਲ ਜਾਂਦੇ,
ਏਸ ਨਗਰ ਵਿਚ ਮੈਂ ਵੀ ਇਕ ਦਿਨ, ਘਰ ਘਰ ਕਿੱਸਾ ਬਣਿਆ ਸਾਂ।
ਇਕ ਵੇਲਾ ਸੀ ਮੈਂ ਤੈਨੂੰ ਹਰ ਗੱਲ ਪੁਛਦਾ ਤੇ ਦਸਦਾ ਸਾਂ,
ਹੁਣ ਤੇਰੀ ਖੁਣਸੀ ਆਦਤ ਤੋਂ, ਹਰ ਵੇਲੇ 'ਜਗਤਾਰ' ਡਰਾਂ।
