ਕਣਕ ਪੱਕੀ ਤੇ ਮੀਂਹ ਨਾ ਪਾਵੀਂ

[KARAN]

ਰੋ ਧੋ ਕੇ ਨੇ ਕਣਕਾਂ ਪੱਕੀਆਂ
ਰੱਬ ਵੱਲ ਵੇਖਣ ਕਈ ਸੌ ਅੱਖੀਆਂ
ਹਾੜ੍ਹੀ ਤੇ ਨੇ ਆਸਾਂ ਰੱਖੀਆਂ
ਵੇਖੀ ਨਾ ਤੂੰ ਮੁਖ ਪਰਤਾਵੀਂ
ਸੁਣ ਲੈ ਤੂੰ ਰੱਬ
ਪੈਜੁਗਾ ਯੱਬ
ਕਣਕ ਪੱਕੀ ਤੇ ਮੀਂਹ ਨਾ ਪਾਵੀਂ

ਕਰਜ਼ੇ ਸਿਰ ਤੇ ਚੜੇ ਪਏ ਨੇ
ਲੱਖਾਂ ਹੀ ਕੱਮ ਅੜੇ ਪਏ ਨੇ
ਤੇਰੇ ਹੱਥ ਹੈ ਕੁਦਰਤ ਸਾਰੀ
ਸੁਣਿਐ ਕਿਦਰੇ ਗੜੇ ਪਏ ਨੇ
ਮਰਜੂਗਾ ਜੱਟ
ਫਾਹ ਲੈ ਕੇ ਝੱਟ
ਸਿਰ ਤੇ ਹੋਰ ਨਾ ਕਰਜ਼ ਚੜਾਵੀਂ
ਸੁਣ ਲੈ ਤੂੰ ਰੱਬ
ਪੈਜੁਗਾ ਯੱਬ
ਕਣਕ ਪੱਕੀ ਤੇ ਮੀਂਹ ਨਾ ਪਾਵੀਂ

ਫਸਲ ਬਿਨਾ ਨਾ ਕੋਈ ਹੀਲਾ
ਪੁੱਤਾਂ ਵਰਗਾ ਇੱਕ ਇੱਕ ਤੀਲਾ
ਤੇਰੇ ਹੱਥ ਵਿੱਚ ਸਾਡੇ ਸਾਹ ਨੇ
ਤੇਰੇ ਆਸਰੇ ਕੋਟ ਕਬੀਲਾ
ਮੰਗਤੇ ਦਰ ਦੇ
ਤੇਰੇ ਘਰ ਦੇ
ਝੋਲੀ ਦੇ ਵਿੱਚ ਖੁਸ਼ੀਆਂ ਈ ਪਾਵੀਂ
ਸੁਣ ਲੈ ਤੂੰ ਰੱਬ
ਪੈਜੁਗਾ ਯੱਬ
ਕਣਕ ਪੱਕੀ ਤੇ ਮੀਂਹ ਨਾ ਪਾਵੀਂ ................... Zaildar Pargat Singh​

 

[Bhardwaj Ramesh]

ਬਹੁੱਤ ਖੂਬ ਜੀ

 

[Tejjot]

nicee