ਖੁਦ ਆਪਣੇ ਨਾਲ ਮੈਂ ਕੁਜ ਐਦਾਂ ਗੱਲ ਕਰਦਾਂ

KARAN

Prime VIP
ਹੌਲੀ ਹੌਲੀ ਮੱਧਮ ਮੱਧਮ ਚੁਪਕੇ ਜਹੇ
ਅੱਲਾਹ ਜਿਵੇਂ ਫਕੀਰ ਨਾ ਗੱਲਾਂ ਕਰਦਾ ਏ
ਖੁਦ ਆਪਣੇ ਨਾਲ ਮੈਂ ਕੁਜ ਐਦਾਂ ਗੱਲ ਕਰਦਾਂ
ਜਿੱਦਾਂ ਰਾਂਝਾ ਹੀਰ ਨਾ ਗੱਲਾਂ ਕਰਦਾ ਏ
ਜਗ ਤੋਂ ਚੋਰੀ ਜਿਸ ਨੂੰ ਜਾਕੇ ਮਿਲ ਆਈ ਸੀ
ਛੱਲੇ ਬਦਲੇ ਜਿਸਨੂ ਤੂੰ ਦੇ ਦਿਲ ਆਈ ਸੀ
ਬਾਰੀ ਦੇ ਵਿੱਚ ਬੈਠਾ ਮੁੰਡਾ ਅੱਜ ਕੱਲ ਨੀ
ਬਸ ਤੇਰੀ ਤਸਵੀਰ ਨਾ ਗੱਲਾਂ ਕਰਦਾ ਏ
ਖੁਦ ਆਪਣੇ ਨਾਲ ਮੈਂ ਕੁਜ ਐਦਾਂ ਗੱਲ ਕਰਦਾਂ
ਜਿੱਦਾਂ ਰਾਂਝਾ ਹੀਰ ਨਾ ਗੱਲਾਂ ਕਰਦਾ ਏ
ਕਿਦਰੇ ਰੱਜਣ ਮੀਟੀ ਲੱਗੀ ਹਰ ਪਾਸੇ
ਕਿਦਰੇ ਰੋਟੀ ਟੁੱਕਰ ਬਿਨ ਖਾਲੀ ਕਾਸੇ
ਮੇਰੀ ਕਿਸਮਤ ਵਿੱਚ ਅੱਜ ਰੋਟੀ ਹੈ ਕੇ ਨਹੀਂ ?
ਭੁੱਖਾ ਜਿਓਂ ਤਕਦੀਰ ਨਾ ਗੱਲਾਂ ਕਰਦਾ ਏ
ਖੁਦ ਆਪਣੇ ਨਾਲ ਮੈਂ ਕੁਜ ਐਦਾਂ ਗੱਲ ਕਰਦਾਂ
ਜਿੱਦਾਂ ਰਾਂਝਾ ਹੀਰ ਨਾ ਗੱਲਾਂ ਕਰਦਾ ਏ
ਕਦੀ ਕਦੀ ਗੱਲ ਗੁੱਸੇ ਵਾਲੀ ਕਰਦਾ ਹਾਂ
ਹਿੱਮਤ ਵਾਲੀ ਜੁੱਸੇ ਵਾਲੀ ਕਰਦਾ ਹਾਂ
ਅੱਜ ਜਿਓਂਦਾ ਛੱਡਣਾ ਨਹੀ ਮੈਂ ਕੋਈ ਵੈਰੀ
ਨਲੂਆ ਜਿਓਂ ਸ਼ਮਸ਼ੀਰ ਨਾ ਗੱਲਾਂ ਕਰਦਾ ਏ
ਖੁਦ ਆਪਣੇ ਨਾਲ ਮੈਂ ਕੁਜ ਐਦਾਂ ਗੱਲ ਕਰਦਾਂ
ਜਿੱਦਾਂ ਰਾਂਝਾ ਹੀਰ ਨਾ ਗੱਲਾਂ ਕਰਦਾ ਏ
ਗੱਲਾਂ ਕਰਦਾਂ ਕਦੀ ਕਦੀ ਸੰਸਾਰ ਦੀਆਂ
ਕਦੀ ਕਦਾਈਂ ਮੈਂ ਔਕਾਤ ਤੋ ਬਾਹਰ ਦੀਆਂ
ਹੋਣੀ ਤੋਂ ਅਣਜਾਨ ਜਿਵੇ ਕਿਸੇ ਜੰਡ ਥੱਲੇ
ਬੈਠਾ ਮਿਰਜ਼ਾ ਤੀਰ ਨਾ ਗੱਲਾਂ ਕਰਦਾ ਹੈ
ਖੁਦ ਆਪਣੇ ਨਾਲ ਮੈਂ ਕੁਜ ਐਦਾਂ ਗੱਲ ਕਰਦਾਂ
ਜਿੱਦਾਂ ਰਾਂਝਾ ਹੀਰ ਨਾ ਗੱਲਾਂ ਕਰਦਾ ਏ
ਕਿੱਥੇ ਤੇਰਾ ਧਰਮ ਤੇ ਕਿੱਥੇ ਸਿੱਖ ਗਏ
ਕੁਜ ਆਪਣਿਆਂ ਕੁਜ ਗੈਰਾਂ ਦੇ ਕੋਲ ਵਿਕ ਗਏ
ਕੀ ਫਾਇਦਾ ਦੱਸ ਹੋਇਆ ਤੇਰੀ ਕੁਰਬਾਨੀ ਦਾ
ਪਰਗਟ ਹਿੰਦ ਦੇ ਪੀਰ ਨਾ ਗੱਲਾਂ ਕਰਦਾ ਏ
ਖੁਦ ਆਪਣੇ ਨਾਲ ਮੈਂ ਕੁਜ ਐਦਾਂ ਗੱਲ ਕਰਦਾਂ
ਜਿੱਦਾਂ ਰਾਂਝਾ ਹੀਰ ਨਾ ਗੱਲਾਂ ਕਰਦਾ ਏ ......
Zaildar Pargat Singh
 
Top