ਮਰ ਕੇ ਵੀ ਨਹੀਂ ਮਰਦੇ ਪੁੱਤਰ ਬਾਜਾਂ ਵਾਲੇ ਦੇ

[KARAN]

ਦਾਬੇ ਨਹੀਂ ਇਹ ਸਹਿੰਦੇ ਤਖਤਾਂ ਤਾਜਾਂ ਵਾਲੇ ਦੇ
ਮਰ ਕੇ ਵੀ ਨਹੀਂ ਮਰਦੇ ਪੁੱਤਰ ਬਾਜਾਂ ਵਾਲੇ ਦੇ

ਬੁੱਲੀਆਂ ਤੇ ਮੁਸਕਾਨ ਕੇ ਭਾਵੇਂ ਸਾਹਮਣੇ ਮੌਤ ਖੜੀ
ਕੱਡ ਕਿਰਪਾਨ ਅਜੀਤ ਵੰਗਾਰੇ ਵਿੱਚ ਚਮਕੌਰ ਗੜ੍ਹੀ
ਸੀਸ ਤਲੀ ਤੇ ਧਰਦੇ ਪੁੱਤਰ ਬਾਜਾਂ ਵਾਲੇ ਦੇ
ਮਰ ਕੇ ਵੀ ਨਹੀਂ ਮਰਦੇ ਪੁੱਤਰ ਬਾਜਾਂ ਵਾਲੇ ਦੇ

ਕੋਈ ਜਿਓਂਦੇ ਜੀ ਅਪਮਾਨ ਕਿਵੇਂ ਕਰਜੂ ਹਰਮੰਦਰ ਦਾ
ਔ ਨੇਜੇ ਤੇ ਸਿਰ ਟੰਗਿਆ ਵੇਖੋ ਮੱਸੇ ਰੰਗੜ ਦਾ
ਜ਼ੁਲਮ ਕਦੇ ਨਹੀ ਜਰਦੇ ਪੁੱਤਰ ਬਾਜਾਂ ਵਾਲੇ ਦੇ
ਮਰ ਕੇ ਵੀ ਨਹੀਂ ਮਰਦੇ ਪੁੱਤਰ ਬਾਜਾਂ ਵਾਲੇ ਦੇ

ਸਦੀਆਂ ਤਾਈਂ ਮਿਟਣੀਆਂ ਨਹੀਂ ਜੋ ਪਾ ਗਏ ਲੀਹਾਂ ਨੇ
ਅੱਜ ਵੀ ਭਰਨ ਗਵਾਹੀ ਓ ਸਰਹੰਦ ਦੀਆਂ ਨੀਹਾਂ ਨੇ
ਮਰਨੋਂ ਤਾਂ ਨਹੀਂ ਡਰਦੇ ਪੁੱਤਰ ਬਾਜਾਂ ਵਾਲੇ ਦੇ
ਮਰ ਕੇ ਵੀ ਨਹੀਂ ਮਰਦੇ ਪੁੱਤਰ ਬਾਜਾਂ ਵਾਲੇ ਦੇ

ਜੈਲਦਾਰ ਕਦੇ ਭੁੱਲੀਂ ਨਾਂ ਇੱਕ ਰਾਖਾ ਹਿੰਦ ਦਾ ਸੀ
ਕੌਮ ਲਈ ਹੋਇਆ ਸ਼ਹੀਦ ਜਿਹੜਾ ਪਰਵਾਰ ਗੋਬਿੰਦ ਦਾ ਸੀ
ਧਰਮ ਲਈ ਜਾਨ ਵੀ ਹਰਦੇ ਪੁੱਤਰ ਬਾਜਾਂ ਵਾਲੇ ਦੇ
ਮਰ ਕੇ ਵੀ ਨਹੀਂ ਮਰਦੇ ਪੁੱਤਰ ਬਾਜਾਂ ਵਾਲੇ ਦੇ ....

Zaildar Pargat Singh​

 

[Und3rgr0und J4tt1]

nice g

 

[jeet saini]

True.....