Bhardwaj Ramesh
Member
ਜੇ ਤੂੰ ਇੱਕ ਵਾਰ ਤੱਕੇ ਅਸੀਂ ਸ਼ੁਕਰ ਮਨਾਈਏ
ਜਿਨ੍ਹਾ ਰਾਹਾਂ ਉੱਤੋਂ ਲੰਘੇਂ ਓਥੇ ਨਜ਼ਰਾਂ ਵਿਛਾਈਏ
ਰੂਹ ਨੂੰ ਲੱਗੀ ਰਹਿੰਦੀ ਬਸ ਹੁਣ ਤੇਰੀ ਹੀ ਉਡੀਕ
ਅਸੀਂ ਲੱਖ ਵਾਰ ਜੀਏ ਲੱਖ ਵਾਰ ਮਰ ਜਾਈਏ
ਸਾਡਾ ਇਸ਼ਕ ਦਾ ਕਾਸਾ ਸਦਾ ਰਿਹਾ ਏ ਅਧੂਰਾ
ਇੱਕ ਵਸਲ ਦਾ ਕਣ ਪਾ ਕੇ ਕਰ ਦੇ ਤੂੰ ਪੂਰਾ
ਆ ਜਾ ਇੱਕ ਮਿੱਕ ਹੋ ਕੇ ਸਾਂਝ ਦਿਲਾਂ ਦੀ ਵਧਾਈਏ
ਜੇ ਤੂੰ ਇੱਕ ਵਾਰ ਤੱਕੇ ਅਸੀਂ ਸ਼ੁਕਰ ਮਨਾਈਏ
ਦਿਨ ਰਾਤ ਹਰ ਪਲ ਖੋਲ ਰੱਖੀਆਂ ਨੇ ਬਾਹਾਂ
ਮੇਰੇ ਅੰਗਾਂ ਨੂੰ ਲਿਪਟ ਜਾਵੇਂ ਬਣ ਕੇ ਹਵਾਵਾਂ
ਹੁਣ ਸੌਂਦੀਆਂ ਨਾ ਅੱਖਾਂ ਦੱਸ ਕਿੱਦਾਂ ਸਮਝਾਈਏ
ਜੇ ਤੂੰ ਇੱਕ ਵਾਰ ਤੱਕੇ ਅਸੀਂ ਸ਼ੁਕਰ ਮਨਾਈਏ
ਆਰ.ਬੀ.ਸੋਹਲ
