Bhardwaj Ramesh
Member
ਉਹਦੇ ਕਦਮਾਂ ਤੇ ਇੱਕ ਫੁੱਲ ਰੋਜ ਮੈਂ ਧਰਿਆ ਕਰਾਂ
ਖਾਹਿਸ਼ ਉਹਦੇ ਚਾਹੁਣ ਦੀ ਇੰਝ ਮੈਂ ਹਰਿਆ ਕਰਾਂ
ਲੋਗ ਉਹਦੇ ਸ਼ਿਹਰ ਦੇ ਬਣ ਗਏ ਜ਼ਮਾਨੇਸਾਜ ਨੇ
ਜਿਕਰ ਉਹਦਾ ਹੋਣ ਤੋਂ ਪਹਿਲਾਂ ਮੈਂ ਡਰਿਆ ਕਰਾਂ
ਲਾਉਂਦੇ ਫੁੱਲਾਂ ਨਾਲ ਤੇ ਕਬੂਲਦੇ ਹਾਂ ਅਸੀਂ ਖਾਰ ਵੀ
ਹਰ ਇੱਕ ਸਿਤਮ ਉਹਦਾ ਹੱਸ ਕੇ ਮੈਂ ਜ਼ਰਿਆ ਕਰਾਂ
ਆ ਬੈਠ ਗਏ ਉਹ ਸਾਮਨੇ ਹੁਸਨ ਗਜ਼ਲ ਵਾਂਗ ਹੈ
ਕਰਨ ਲਈ ਸ਼ਿੰਗਾਰ ਮੋਤੀ ਹਰਫ ਮੈਂ ਜੜਿਆ ਕਰਾਂ
ਕਹਿ ਗਿਆ ਉਹ ਜਾਣ ਤੇ ਪਹਿਚਾਣ ਤੂੰ ਬਣਾ ਜਰਾ
ਸੋਹਲ ਨਾਲ ਲਾਉਣ ਤੋਂ ਪਹਿਲਾਂ ਮੈਂ ਪੜਿਆ ਕਰਾਂ
ਆਰ.ਬੀ.ਸੋਹਲ
