ਤੇਰੇ ਇਸ਼ਕੇ ਦਾ ਪਾ ਲਿਆ ਚੂੜਾ ਵੇ

ਐਸਾ ਪਿਆਰ ਦਾ ਰੰਗ ਚੜਾਇਆ ਤੂੰ
ਨਿੱਤ ਹੋਈ ਜਾਂਦਾ ਗੂੜਾ ਵੇ
ਹੱਥੀਂ ਲਾ ਲਈ ਮਹਿੰਦੀ ਸ਼ਗਣਾ ਦੀ
ਤੇਰੇ ਇਸ਼ਕੇ ਦਾ ਪਾ ਲਿਆ ਚੂੜਾ ਵੇ

ਬਿਨ ਤੇਰੇ ਨਾ ਹੁਣ ਚੈਨ ਮੈਨੂੰ
ਮੈ ਹੋ ਗਈ ਸੱਜਣਾ ਝੱਲੀ ਵੇ
ਤੈਨੂੰ ਵੇਖਾਂ ਤਾਂ ਮੈਨੂੰ ਸਾਹ ਆਵਣ
ਜਿੰਦ ਰਹਿੰਦੀ ਨਾ ਹੁਣ ਕੱਲੀ ਵੇ

ਮੇਰੇ ਦਿੱਲ ਵਿੱਚ ਲਾ ਲੈ ਡੇਰਾ ਤੂੰ
ਤੈਨੂੰ ਰੋਕਣ ਵਾਲਾ ਕਿਹੜਾ ਵੇ
ਅੱਜ ਪਿਆਸ ਰੂਹਾਂ ਦੀ ਬੁੱਝ ਜਾਵੇ
ਪੂਰਾ ਸੱਜਿਆ ਇਸ਼ਕ ਦਾ ਵਿਹੜਾ ਵੇ

ਤੇਰੇ ਮੰਨ ਦੇ ਬਗੀਚੇ ਵਿੱਚ ਸੱਜਣਾ
ਬਣੀ ਰਹਿਣ ਦੇ ਮੈਨੂੰ ਤਿਤਲੀ ਵੇ
ਸਦਾ ਪਿਆਰ ਦੀ ਬੂਟੀ ਸਿੰਝਦਾ ਰਹਿ
ਤੇਰੇ ਦਿੱਲ ਚੋਂ ਨਾ ਮੈ ਕਦੇ ਨਿਕਲੀ ਵੇ

ਤੇਰੇ ਨਾਮ ਦਾ ਸੂਰਜ ਵੇ ਮਾਹੀਆ
ਰਹੇ ਹੱਰ ਪੱਲ ਮੁੱਖ ਤੇ ਤੱਪਦਾ ਵੇ
ਜਰਾ ਛੇੜ ਦਿਲਾਂ ਦੀ ਸਰਗਮ ਨੂੰ
ਤੇਰੇ ਕਦਮਾਂ ਤੇ ਦਿੱਲ ਰੱਖਤਾ ਵੇ

ਤੈਨੂੰ ਪਾਇਆ ਮੰਜਲ ਪਾ ਲਈ ਮੈ
ਤੇਰਾ ਨਾਮ ਹੀ ਪੱਲੇ ਬਨਿਆਂ ਵੇ
ਮੈਥੋਂ ਰੁਸਵਾ ਨਾ ਕਦੇ ਹੋ ਜਾਂਵੀਂ
ਅਸਾਂ ਖੁਦਾ ਤੈਨੂੰ ਹੀ ਮੰਨਿਆਂ ਵੇ

ਆਰ.ਬੀ.ਸੋਹਲ
 
Top