ਕੀ ਕਰੀਏ ਅਸੀਂ ਬਾਤ ਅੱਜ ਜਮਾਨੇ ਦੀ...

[Bhardwaj Ramesh]

ਕੀ ਕਰੀਏ ਅਸੀਂ ਬਾਤ ਅੱਜ ਜਮਾਨੇ ਦੀ,
ਮੰਨ ਹੋਇਆ ਪਰੇਸ਼ਾਨ ਜਮਾਨਾ ਬਦਲ ਗਿਆ,

ਥਾਂ ਬਣਾ ਲਈ ਅਜ ਕਲ ਸ਼ੋਸ਼ਲ ਸਾਇਟਾ ਨੇ,
ਬਚਿਆਂ ਦਾ ਰੁਜਨ ਵੀ ਅਜ ਕਲ ਬਦਲ ਗਿਆ i

ਤੀਆਂ ਦੇ ਤਿਓਹਾਰ, ਅਖਾੜੇ ਸਜਦੇ ਸੀ,
ਰਿਵਾਜ਼ ਗਿਧੇ ਤੇ ਭੰਗੜੇ ਦਾ ਵੀ ਬਦਲ ਗਿਆ i

ਗੁੱਸਾ ਰਿਹੰਦਾ ਹਰ ਦਮ ਟਿਕਿਆ ਮੱਥੇ ਤੇ,
ਵਿਹਾਰ ਨਰਮ ਸਲੂਕੀ ਵਾਲਾ ਬਦਲ ਗਿਆ i

ਮੋਹ ਲਾਲਚ ਨੇ ਮਾਰਿਆ ਅੱਜ ਇਨਸਾਨਾਂ ਨੂੰ,
ਰਸਤਾ ਨੇਕ ਕਮਾਈ ਵਾਲਾ ਬਦਲ ਗਿਆ i

ਬਚੇ ਚੁਕਦੇ ਭਾਰ ਬੜਾ ਅਜ ਬਸਤੇ ਦਾ ,
ਥਾਂ ਸਲੇਟਾਂ ਫੱਟੀਆਂ ਦਾ ਵੀ ਬਦਲ ਗਿਆ i

ਸਾਂਝੇ ਘਰਾਂ ਚ’ ਰੋਣਕ ਸਦਾ ਹੀ ਰਹਿੰਦੀ ਸੀ,
ਰਿਸ਼ਤਿਆਂ ਦਾ ਮਿਲ ਜੁਲ ਕੇ ਰਹਿਣਾ ਬਦਲ ਗਿਆ i

ਉੜਾ-ਅਏੜਾ ਨਿਘ ਹੈ ਪੰਜਾਬੀ ਬੋਲੀ ਦਾ ,
ਤਰੀਕਾ ਵੀ ਪੜ ਲਿਖਣੇ ਦਾ ਅਜ ਕਲ ਬਦਲ ਗਿਆ i

ਬੇਗਾਨੇ ਵੀ ਕਦੀ ਲਗਦੇ ਸਾਨੂੰ ਆਪਣੇ ਸੀ,
ਆਪਣਿਆਂ ਦਾ ਇਕਰਾਰ ਵੀ ਅਜ ਕਲ ਬਦਲ ਗਿਆ i

ਕੰਮ ਨੇਪੜੇ ਰਬ ਧਿਆਕੇ ਚੜਦੇ ਸੀ,
ਬੰਦਗੀ ਦੇ ਵਿੱਚ ਉਸਦੇ ਰਹਿਣਾ ਬਦਲ ਗਿਆ i

ਕੁੜੀ ਮੁੰਡੇ ਵਿੱਚ ਫਰਕ ਕਦੋ ਨਾ ਰਖਿਆ ਸੀ,
ਮਾਪਿਆਂ ਦਾ ਇਹ ਖਿਆਲ ਪੁਰਾਣਾ ਬਦਲ ਗਿਆ i

ਢੇਰੀ ਕੀਤਾ ਨਸ਼ੇ ਨੇ ਅਜ ਜਾਵਨਾਂ ਨੂੰ,
ਅਖਾੜਾ ਮੱਲਾਂ ਮਾਰਨ ਦਾ ਵੀ ਬਦਲ ਗਿਆ i

ਭ੍ਰਿਸ਼ਟਾਚਾਰ ਮਚਾਈ ਅਜ ਤਬਾਹੀ ਏ,
ਸੋਖਾ ਕੰਮ ਕਰਾਉਣਾ ਅਜ ਕਲ ਬਦਲ ਗਿਆ i

ਚੰਗਾ ਸੀ ਜਦੋਂ ਸਾਧੀ ਰਹਿਣੀ ਬਹਿਣੀ ਸੀ,
ਲੋਕ ਦਿਖਾਈ ਕਰਕੇ ਫ਼ੈਸ਼ਨ ਬਦਲ ਗਿਆ,

ਹਰ ਪਾਸੇ ਅਜ ਵਸਦੀ ਚੁਗਲ ਚਲਾਕੀ ਏ,
ਵਿੱਚ ਸ਼ਰਾਫਤ ਦੇ ਅੱਜ ਰਹਿਣਾ ਬਦਲ ਗਿਆ i

ਪੰਜ ਦਰਿਆਵਾਂ ਦਾ ਪਾਣੀ ਸ਼ੀਤਲ ਕਰਦਾ ਸੀ,
ਰਾਵੀ ਅਤੇ ਝਨਾ ਨੇ ਰਸਤਾ ਬਦਲ ਗਿਆ i

ਮੁਰਜਾ ਗਏ ਨੇ ਚੇਹਰੇ ਨਾਲ ਉਦਾਸੀ ਦੇ ,
ਮੰਨ ਚੋੰ ਖੁਸ਼ੀਆਂ ਦਾ ਖੇੜਾ ਬਦਲ ਗਿਆ,

ਸੱਸੀ ਪੰਨੂ ਮਿਰਜ਼ਾ ਸਹਿਬਾਂ ਦੇ ਕਿੱਸੇ ਪੜਦੇ ਸੀ,
ਝਨਾ ਚ' ਸੋਹਨੀ ਦਾ ਡੁਬਨਾਂ ਬਦਲ ਗਿਆ i

ਮਨਫੀ ਹੋ ਗਏ ਮੁੱਲ ਅਜ ਸਾਰੇ ਜਿੰਦਗੀ ਦੇ,
ਤੋੜ ਚੜਾਵਣ ਦਾ ਤਰੀਕਾ ਬਦਲ ਗਿਆ i

ਰੁਖ ਦਿੰਦੇ ਸ਼ੜਕਾਂ ਤੇ ਜੋ ਹਰਿਆਲੀ ਸੀ,
ਉਹਨਾ ਦਾ ਵੀ ਥੋ ਟਿਕਾਣਾ ਬਦਲ ਗਿਆ i

ਕਿਹਾ ਵੱਡਿਆਂ ਦਾ ਸਿਰ ਮਥੇ ਅਸੀਂ ਰਖਦੇ ਸੀ,
ਚੱਲਣਾ ਫਿਰ ਪੂਰਨਿਆਂ ਤੇ ਬਦਲ ਗਿਆ i

ਭੁਲੀੰ ਕਦੇ ਨਾ "ਸੋਹਲ" ਤੂੰ ਪਿਛੋਕੜ ਨੂੰ ,
ਮਿਤਰਾਂ ਨੇ ਫਿਰ ਕਹਿਣਾ "ਤੂੰ" ਵੀ ਬਦਲ ਗਿਆ i

ਆਰ . ਬੀ.ਸੋਹਲ