ਕਿਧਰੇ ਖੰਭ ਵਿਕਦੇ ਹੋਣ ਤਾਂ ਦੱਸ

[MarJana]

Prime VIP
ਕਿਧਰੇ ਖੰਭ ਵਿਕਦੇ ਹੋਣ ਤਾਂ ਦੱਸ
ਉੱਡ ਕੇ ਜਾ ਬੈਠਾਂ ਖ਼ੁਦਾ ਦੀ ਮੁੰਡੇਰ ਉੱਤੇ
ਗਾ-ਗਾ ਕੇ ਗੀਤ ਬਰਬਾਦੀਆਂ ਦੇ
ਸਜਦਾ ਕਰਾਂ ਮੈਂ ਰੋ-ਰੋ ਕੇ

ਰੱਬਾ ਸੱਚਿਆ ਤੂੰ ਕਾਹਨੂੰ ਜੰਮੀਆਂ ਸੀ
ਧੀਆਂ ਬਲਦੇ ਤੰਦੂਰਾਂ ਵਿਚ ਝੋਕਣ ਨੂੰ
ਜਾਂ ਬੇੜੀਆਂ ਪੈਰਾਂ ਵਿਚ ਪਾ ਕਿਧਰੇ
ਬੰਨਣੀਆਂ ਸੀ ਕਿੱਲੇ ਨਾਲ ਗਊ ਵਾਂਗੂ

ਕੱਲ ਤੱਕ ਰੱਖਿਆ ਜਿਹੜੇ ਬਾਬੁਲ ਨੇ ਹਿੱਕ ਨਾਲ ਲਾ
ਸੱਤੇ ਖੈਰਾਂ ਮੰਗੀਆਂ ਤੱਤੀ 'ਵਾ ਨਾ ਲੱਗ ਜਾਏ
ਅੱਜ ਵੇਖ ਕਿਵੇਂ ਬੁੱਤ ਬਣ ਚੁੱਕ ਰਿਹਾ
ਧੀ ਦੀ ਸੜੀ ਹੋਈ ਲਾਸ਼ ਮੋਢੇ ਉੱਤੇ

ਤੇਰੀ ਰਹਿਮਤ ਦੇ ਨਾਲ ਚੱਲੇ ਦੁਨੀਆਂ ਸਾਰੀ
ਤੇਰੀ ਰਹਿਮਤ ਦੇ ਨਾਲ ਹੀ ਚੰਨ ਤਾਰੇ
ਦੱਸ ਫੇਰ ਕਿਓਂ ਦੁੱਖਾਂ ਵਿਚ ਪਲਦੀ ਧੀ ਰੱਬਾ
ਕਿਓਂ ਦਹੇਜ਼ ਦੇ ਵਾਸਤੇ ਨਿੱਤ ਜਾਂਦੀ ਮਾਰੀ

ਅੱਜ ਲਾਹ ਉਲ੍ਹਾਮੇ ਦੇਣੇ ਸਾਰੇ
ਤੈਨੂੰ ਕਰਨਾ ਪੈਣਾ ਨਿਆਂ ਰੱਬਾ
ਰਾਤ ਮੁੱਕਣ ਤੋਂ ਪਹਿਲਾਂ ਦੇਣਾ ਹੈ ਤੂੰ
ਮੇਰੇ ਹਰ ਇੱਕ ਸਵਾਲ ਦਾ ਜਵਾਬ ਰੱਬਾ!!!


writer-unknown
 
Top