harman03
:)
ਧੀ ਜਿਸ ਦੇ ਸਿਰ ਚੁੰਨੀ ਉਹੀ ਸੁੱਘੜ ਸਿਆਣੀ ਧੀ ।
ਨੈਣਾਂ ਵਿੱਚ ਹਯਾ ਜਿਸ ਉਹੀ ਧੀ ਧਿਅਣੀ ਧੀ ।
ਬਾਬਲ ਦੇ ਸਿਰ ਚਿੱਟੀ ਪਗੜੀ ਦੀ ਲੱਜ ਹੁੰਦੀ ਹੈ ।
ਨੱਕ ਤੇ ਕੰਨ ਵਿਨ੍ਹਾਏ ਤੋ ਬਿਨ ਅਣਵਿਧ ਹੁੰਦੀ ਹੈ ।
ਕਰੇ ਸਿ਼ੰਗਾਰ ਦੱਸੇ ਵੇ ਸੋਲਾਂ ਉਹੀ ਰਾਣੀ ਧੀ ।
ਧੀ ਜਿਸ ਦੇ ਸਿਰ ਚੁੰਨੀ ਉਹੀ ਸੁੱਘੜ ਸਿਆਣੀ ਧੀ ।
ਪਹਿਲਾ ਸੱਚ ਸਿ਼ੰਗਾਰ ਦੂਸਰਾ ਮਿੱਠਾ ਬੋਲਣ ਦਾ ।
ਤੀਜਾ ਆਗਿਆ ਪਾਲਣ ਚੌਥਾ ਬੋਲ ਨੂੰ ਤੋਲਣ ਦਾ ।
ਪੰਜਵੀ ਰੱਖੇ ਸੁੱਚਮ ਛੇਵਾਂ ਪੜ੍ਹ ਲਏ ਬਾਣੀ ਧੀ ।
ਧੀ ਜਿਸ ਦੇ ਸਿਰ ਚੁੰਨੀ ਉਹੀ ਸੁੱਘੜ ਸਿਆਣੀ ਧੀ ।
ਸੱਤਵਾਂ ਪਹਿਨੇ ਸਾਦਾ ਅੱਠਵਾਂ ਬਰਕਤ ਦਾ ਗਹਿਣਾ ।
ਨੌਵੀ ਪ੍ਰੀਤ ਗਵਾਂਢੇ ਦਸਵਾਂ ਰਲਮਿਲ ਕੇ ਰਹਿਣਾ ।
ਗਿਆਰਵਾਂ ਸੇਵਾ ਭਾਵ ਬਾਰਵਾਂ ਸਾਦਾ ਖਾਣੀ ਧੀ ।
ਧੀ ਜਿਸ ਦੇ ਸਿਰ ਚੁੰਨੀ ਉਹੀ ਸੁੱਘੜ ਸਿਆਣੀ ਧੀ ।
ਤੇਰਵਾਂ ਕੰਮ ਰਸੋਈ ਚੌਦਵਾਂ ਕੱਤਣਤੁੰਬਣ ਦਾ ।
ਸਿ਼ੰਗਾਰ ਪੰਦਰਵਾਂ ਜੀ ਜੀ ਕਹਿਕੇ ਮਨ ਨੂੰ ਟੁੰਬਣ ਦਾ ।
ਸੋਲਵਾਂ ਸਹਿਜ ਅਵਸਥਾ ਬਣਦੀ ਉਹ ਪਟਰਾਣੀ ਧੀ ।
ਧੀ ਜਿਸ ਦੇ ਸਿਰ ਚੁੰਨੀ ਉਹੀ ਸੁੱਘੜ ਸਿਆਣੀ ਧੀ ।
ਧੀਓ ਨੀ ਗੱਲ ਸੁਣ ਲਓ ਮੇਰੀ ਅਪਣੇ ਕੰਨ ਕਰਕੇ ।
ਮਾਪਿਆਂ ਨੇ ਪਰਨਾਉਣਾ ਥੋਨੂੰ ਮਿਹਨਤ ਕਰ ਕਰ ਕੇ ।
ਬਣ ਨਾ ਜਾਵੇ ਐਥੇ ਕੋਈ ਮਾਪਿਆਂ ਖਾਣੀ ਧੀ ।
ਧੀ ਜਿਸ ਦੇ ਸਿਰ ਚੁੰਨੀ ਉਹੀ ਸੁੱਘੜ ਸਿਆਣੀ ਧੀ ।
ਮਾਪਿਆਂ ਦੇ ਕਹਿਣੇ ਤੋ ਰੱਤੀ ਪਾਸੇ ਜਾਇਓ ਨਾ ।
ਬਾਬਲ ਦੀ ਪੱਗ ਰੋਲ ਪਰ੍ਹੇ ਦੇ ਵਿੱਚ ਲਹਾਇਓ ।
ਸੰਧੂ ਦੀ ਇਹ ਖ਼ੁਆਹਿਸ਼ ਬਣੇ ਨਾ ਕੋਈ ਕਹਾਣੀ ਧੀ ।
ਧੀ ਜਿਸ ਦੇ ਸਿਰ ਚੁੰਨੀ ਉਹੀ ਸੁੱਘੜ ਸਿਆਣੀ ਧੀ ।
"ਮਲਕੀਤ ਸਿੰਘ ਸੰਧੂ"