yugi
Elite
Tumhara Pyar Chup Chup Ker Kai Chehrey Badalta Hey Mujhey Tum Yaad Atey Ho
Tumhara Hijr Shidat Sey Merey Dil Ko Masalta Hey Mujhey Tum Yaad Atey Ho
Sumandar Ashna Ankhon Main Sehra Aan Bastey Hain Tumhain Jab Bhool Jata Hoon
Phir In Sehraon Main Ek Khawab Ka Chashma Nikalta Hey Mujhey Tum Yaad Atey Ho
Main Apney Hath Sey Teri Sunehri Yaad Ki Palkain Sajata Hoon Khiyalon Main
Khiyalon Main Tera Mousam Kai Pehloo Badalta Hey Mujhey Tum Yaad Atey Ho
Teri Perchaiyan Her Soo Meri Tanhaiyon Ka Raqs Kerti Hain Udasi Per
Merey Seeney Main Ek Beychain Sa Bacha Machalta Hey Mujhey Tum Yaad Atey Ho
Kisi Footpath Per Bazaar Main Baghaat Main Ya Phir Kisi Darya Kinarey Per
Bohut Khush Ho Ker Jab Koi Kisi Key Sath Chalta Hey Mujhey Tum Yaad Atey Ho
Main Sara Din Koi Sangi Mujisma Ban Key Rehta Hoon Magar Jab Shaam Dhalti Hey
Merey Dil Ki Jagah Per Koi Pather Sa Pighalta Hey Mujhey Tum Yaad Atey Ho
Tasavur Main Tumharey Sang Beetii Barishain Aksar Tumhain Awaz Deti Hain
Nighahon Main Tumhari Dhoop Ka Ek Deep Jalta Hey Mujhey Tum Yaad Atey Ho
Kabhi Koi Sitara Aankh Sey Hota Huwa Bujhta Hey Aa Key Goad Main Gir Ker
Kabhi Koi Bohut Hi Door Ubharta Or Dhalta Hey Mujhey Tum Yaad Atey Ho
