ab kiya likhin hum kagaz pe

ab kia likhain hum khaghaz per
ab likhnay ko kia baqi hay
ek dil tha so wo toot gya
ab lootnay ko kia baqi hay
ek sakhas ko hum ne chaha tha
ek rait pe naksh banaya tha
wo rait to kab ki bikhar chuki
wo naksh kahan ab baqi hay
ab kia likhain hum khaghaz per
ab likhnay ko kia baqi hay
jo sapnay hum ne dekhay thay
kaghaz per saray likh daalay
wo saaray kaghaz phir hum ne
darya kay hawalay kar daalay
wo saaray khwab baha daalay,wo saaray naksh mita daalay
ab zahan hay khali nakshoon ka,koi khwab kahan ab baqi hay
ab kia likhain hum khaghaz per
ab likhnay ko kia baqi hay
hum jinko apni nazmoon ka unwaan banaya kartay thay
lafsoon ka bana kar taj mahal kaghaz per sajaya kartay thay
wo hum ko akaila chor gaye
sab rishtoon se monh moor gaye
ab rastay saray soonay hain
wo pyar kahan ab baqi hay
ab kia likhain hum khaghaz per
ab likhnay ko kia baqi hay

thkx for sharing

bohut vadiya..... Keep it Up...

thnx

very nice