ਭਾਰਤੀ ਟੈਨਿਸ ਖਿਡਾਰਨ ਸਾਨੀਆ ਮਿਰਜ਼ਾ ਜ਼ਿੰਬਾਬਵੇ ਦੀ ਆਪਣੀ ਜੋੜੀਦਾਰ ਕਾਰਾ ਬਲੈਕ ਨਾਲ ਔਰਤਾਂ ਦੇ ਡਬਲਜ਼ ਵਰਗ ਦੇ ਕੁਆਰਟਰ ਫਾਈਨਲ ਮੈਚ ਵਿਚੋਂ ਹਾਰ ਕੇ ਫੈ੍ਰਾਚ ਓਪਨ ਵਿਚੋ ਬਾਹਰ ਹੋ ਗਈ | ਪੰਜਵਾਂ ਦਰਜਾ ਪ੍ਰਾਪਤ ਭਾਰਤੀ-ਜ਼ਿੰਬਾਬਵੇ ਦੀ ਜੋੜੀ ਨੂੰ ਚੀਨੀ ਤਾਇਪੇ ਦੀ ਸੂ ਵੇਈ ਹਸੀਹ ਅਤੇ ਚੀਨ ਦੀ ਸ਼ੁਆਈ ਪੇਂਗ ਦੀ ਜੋੜੀ ਨੇ 2-6, 6-3, 3-6 ਨਾਲ ਹਰਾਇਆ | ਇਸ ਤਰਾਂ ਫ੍ਰੈਂਚ ਓਪਨ ਵਿਚੋਂ ਹੁਣ ਭਾਰਤੀ ਚੁਣੌਤੀ ਸਮਾਪਤ ਹੋ ਗਈ | ਸਾਨੀਆ-ਕਾਰਾ ਦੀ ਜੋੜੀ ਨੇ ਸ਼ੁਰੂਆਤ ਵਧੀਆ ਨਹੀਂ ਕੀਤੀ ਅਤੇ ਪਹਿਲਾ ਸੈੱਟ ਮਹਿਜ਼ 38 ਮਿੰਟਾਂ ਵਿਚ ਹਾਰ ਗਈ, ਹਾਲਾਂਕਿ ਉਨ੍ਹਾਂ ਦੂਸਰਾ ਸੈੱਟ ਜਿੱਤ ਕੇ ਮੈਚ ਵਿਚ ਵਾਪਸੀ ਤਾਂ ਕੀਤੀ, ਪ੍ਰੰਤੂ ਤੀਸਰੇ ਸੈੱਟ ਵਿਚ ਸਰਬਉੱਚ ਦਰਜਾ ਪ੍ਰਾਪਤ ਜੋੜੀ ਨੇ ਸਾਨੀਆ-ਕਾਰਾ ਦੀ ਜੋੜੀ ਦੀ ਇੱਕ ਨਾ ਚੱਲਣ ਦਿੱਤੀ ਅਤੇ ਇਹ ਸੈੱਟ 6-3 ਨਾਲ ਜਿੱਤ ਕੇ ਮੈਚ ਆਪਣੇ ਨਾਂਅ ਕੀਤਾ |