wo jo mehroom-e-tamannaa hain buraa kehte hain

zakhm ko phool to sar sar ko sabaa kehte hain
jaane kya daur hai kya log hain kya kehte hain

kya qayaamat hai ke jin ke liye ruk ruk ke chale
ab wahi log humein aabalaa-paa kehte hain (aabalaa-paa – paaon ka patthar)

koi batlaao ke ik umr ka bichdaa mehboob
ittefaaqan kahin mil jaaye to kya kehte hain

ye bhi andaaz-e-sukhan hai ke jafaa ko teri
gamzaa-o-ishvaa-o-andaaz-o-adaa kehte hain

jab talak door hai tu teri parastish kar len
hum jise chhu na saken us ko Khuda kehte hain

kya taajjub hai ke hum ahl-e-tamannaa ko 'Faraaz'
wo jo mehroom-e-tamannaa hain buraa kehte hain