kuchch to hai vajh-e-bekali, "naadaan" besabab dil yeh beqar

~¤Akash¤~

Prime VIP
jab se is zindagi se pyaar naheen
dil meiN pehla sa voh Khumaar naheen

dost, ehbaab, Gham gusaar naheen
koi hum saa jahaan meiN Khwaar naheen!

Gham to laakhon hain daaman-e-dil mein
bus Kushi hai jo paaedaar naheen

jo na vaaqif ho hijr k Gham se
voh jahaan mein vafaa-shi'aar naheen

"dushmani dushmanon se kyaa karte?"
doston kaa jab eitbaar naheen !

jazb-e-dil pe ikhtiyaar kahaan ?
jab khud dil pe ikhtiyaar naheeN

jis chaman mein hai aashiyaan apnaa
us chaman mein hi kyoN bahaar naheen ?

hai mohabbat agar gunaah to ho
hum magar is se sharmsaar naheen !!

baaz aa jaaiye sitam se huzoor
shehr-e-dil Misr kaa dayaar naheen !

mil bhi jaaye sukoon-e-qalb, magar
hum to masroof-e-intezaar naheen

raaz-e-ulfat se bekhabar hain sabhi
koi duniyaa mein hoshiyaar naheen !

'ishq baazi hai ehl-e-himmat kee
buzdilon kaa yeh kaarobaar naheen

kuchch to hai vajh-e-bekali, "naadaan"
besabab dil yeh beqaraar naheen
 
Top