Jahan koi kisi se juda na ho, mujhe uss raah ki ta

jass_cancerian

VIP

• Aug 25, 2009

• #1

Jahan koi kisi se juda na ho, mujhe uss raah ki talaash hai,​

Yeh zara zara si baat par, tarah tarah ke azaab kyun,

Jo kisi se bhi khafa na ho, mujhe uss khuda ki talaash hai, ​

Mujhe laghzishon peh harr ghari, koi tok-ta hai baar baar,

Jisey kar ke dil ko dukh na ho, mujhe uss gunaah ki talaash hai, ​

Main dhoondta hoon woh khizaan, jise gulshanon se pyaar ho,

Jise kisi chiraag se na bair ho,mujhe uss hawaa ki talaash hai, ​

Mujhe uss nagar ki hai justaju, jahan koi bhi bhahaata nahi lahu,

Jahan hirann ko sher se darr na ho,mujhe uss jagah ki talaash hai, ​

Yahan ik lamhe ke parraao mein, mere saare phool jhulas gaye,
Ab jahan talkhiyon ki tapish na ho,mujhe uss fiza ki talaash hai, ​

Bina humsafar ke kab talak, koi musafiton mein laga rahe,

Jahan koi kisi se juda na ho, mujhe uss raah ki talaash hai, ​

Mujhe dekh kar jo ik nazar, mere saare dard samajh sakey,

Jo iss Qadar ho chara-gar, mujhe uss nigaah ki talaash hai,​

 

V

V € € R

~Badmassha Vich Shareef~

• Aug 25, 2009

• #2

Re: Jahan koi kisi se juda na ho, mujhe uss raah k

wah wah..............

 

S

.::singh chani::.

VIP

• May 27, 2010

• #3

nice tfs..