Ham nay jatay huaye asim ka janaza dekha

AAJ PHIR BARSAR-E-AATISH MUJHAY JALTA DEKHA

AHL-E-DUNIA NAY MERA KHOOB TAMASHA DEKHA


AIK BEHTAY HUAYE CHASHMAY K DEHAN PAR HAM NAY

AIK PATHAR KO GAM-E-HIJR MAI ROTA DEKHA


AAP KYA MANZIL-E-FIRDOS SAY AYI HAIN YAHAN ?

HAM NAY DUNIA MAI NHI AAP SA CHEHRA DEKHA


IK SHIKAN BHI NA PARI AAP KI PESHANI PAY

JAB HAMAIN AP NAY HOTAY HUAYE RUSWA DEKHA


TU MERA THA MERA HAI AUR RAHAY GA MERA

RAAT KO SOTAY HUAYE MAI NAY YAE SAPNA DEKHA


AA K DARYA PAY BHI PYASAY HI PALAT JATAY HAIN

KUCH WAFFA WALON KA AISA BHI TAREEKA DEKHA


CHUND MAJZOOB FAQEERON NAY UTHAYA THA JISAY

HAM NAY JATAY HUAYE ASIM KA JANAZA DEKHA