hai baat saaf sazaa uski sang-saaree hai

khadaa hai kaun pairhan-e-sharaar pehne
badan hai choor to maathe se khoon jaaree hai

zamaana guzraa ki farhaad-o-qais khatm hue
yeh kis pe ahal-e-jahaan, hukm-e-sang-baaree hai

yahaan to koi bhi sheeree.n-adaa nigaar naheen
yahaan to koi bhi lailaa-badan bahaar naheen

yeh kiske naam pe zakhmon ki laal-kaaree hai
koi divaanaa hai, letaa hai sach ka naam ab-tak

fareb-o-makr ko karta naheen salaam ab-tak
hai baat saaf sazaa uski sang-saaree hai