Aaj zindagi ka sauda kar k aaye hain,

Aaj zindagi ka sauda kar k aaye hain,
Apni chahat ki ye dastaan laaye hain,
Log zindagi me pyaar maangte hain,
Hum pyaar me maut maangkar aaye hain,

Chaha hai unhe jaan se jyaada,
Maanga hai unhe saanson se jyaada,
Aaj lekar unki khushion ka khuda se vaada,
Unke aansun meri aankhon se bahen,
Ye dua maangkar aaye hain,
Hum pyaar me maut maangkar aaye hain,

Har dhadkan me awaaz unki aati hai,
Har jhalak me tasveer unki bas jaati hai,
Har saans me mohobbat unki beh jaati hai,
Unke bina jeene ki himmat to thi,
Bas unke liye marne ki kismat maangakar aaye hain,
Hum pyaar me maut maangkar aaye hain,

Ae khuda unhe tujhse pehle poojte hain,
Unke chehre me tera akhs dhundte hain,
Teri meher unpe barasti rahe,Ye arzoo dil me rakhte hain,
Is arzoo ke liye khushi haar ke aaye hain,
Hum pyaar me maut maang kar aaye hain,

Ab to apne anjaam ka intezaar hai,
Unki khushi ke liye mujhe khuda pe aitbaar hai,
Chahat unki aaj bhi hume beshumaar hai,
Par unki muskaan ke badle me " ֶς!mя∂ή "
Apne haath ki lakirein badal kar aaye hain,
Hum pyaar me maut maang kar aaye hain,

Log zindagi me pyaar maangte hain,
Hum apne pyaar ki kushi k liye
Kisi or ki mohobbat unke liye maangkar aaye hain,
Hum pyaar me maut maangkar aaye hain,

Hum apne liye us khuda se maut maangkar aaye hain....