Meri chaahat se mukar ke dekho!!!

[~¤Akash¤~]

Dil ke daryaa maiN utar ke dekho
Tum mohabbat mujhse karke dekho

Phir tumhaiN meri talab ho shaayad
Tum kabhi mujh se bichaR ke dekho

Ishq ka saagar bohat hai gehraa
Doob kar khud bhi ubhar ke dekho

Dunya phir lagne lagegi dilkash
Isko tum meri nazar se dekho

Pyaar kehte hain kise,zaraa tum
Meri baahon main bikhar ke dekho

Mera gham mehsoos karna ho to
Meri raahoN se guzar ke dekho

Kya asar hota hai berukhii ka
Meri chaahat se mukar ke dekho!!!