fir bhale hi meri hasti mita dena...!!!

[~¤Akash¤~]

ek baar to nazren mila kar dekho,
fir bhale hi palken jhuka dena.
ek pal ko hi rakh lo aankhon me apni,
fir bhale hi bana ke aansu baha dena.
...
de kar deedar khush karo ek baar,
fir bhale hi mujhe mitti me mila dena.
ek baar to roshan karo dil ke andheron ko,
fir bhale hi sari shammayen bujha dena.
..
ek baar to ro lo mera naam le kar,
fir bhale hi mujhe hanss ke bhula dena.
ek baar to nazron se pila do mujhe,
fir bhale hi haanthon se jaam gira dena.
..
ek baar to karo mujhse izhare muhabbat
fir bhale hi bewafai ka ilzaam laga dena.
ek baar to raho dil me sanam bankar,
fir bhale hi ye aashiyana jala dena.
..
ek baar hi choom lo kitaab ke phoolon ko,
fir bhale hi apne sehre me laga dena.
ek baar to vaada nibha lo sanam
fir bhale hi sari kasme bhula dena.
..
ya rab ek baar to hon mujhpe nazre-karam
fir bhale hi meri hasti mita dena...!!!