BaBBu
Prime VIP
ਕਿਹੜੀ ਗਲੋਂ ਕੀਤੀਆ ਵੇ
ਅਸਾਂ ਵਲ ਕੰਡ ਵੇ ?
ਕਿਹੜੀ ਗਲੋਂ ਮੋੜੀਆ ਵੇ
ਅਸਾਂ ਵਲ ਕੰਡ ਵੇ ?
ਸੌਣ ਦਾ ਮਹੀਨਾ
ਜਾਗ ਪਿਆ ਮੁੜ ਨਿਹੂੜਾ ਵੇ,
ਜਿਵੇਂ ਗੋਰੀ ਦਾ ਜੂੜਾ ਵੇ,
ਤੂੰ ਵੀ ਖੋਹਲ ਗੰਢ,
ਖੁਲ੍ਹੀ ਬਦਲਾਂ ਦੀ ਗੰਢ ਵੇ ।
ਸੌਣ ਦਾ ਮਹੀਨਾ
ਗੂੜ੍ਹੇ ਪ੍ਰੀਤਾਂ ਦੇ ਰੰਗ ਵੇ,
ਧਰਤੀ ਦੇ ਲੱਕ
ਵੀਣੀ ਗਗਨਾਂ ਦੀ ਤੰਗ ਵੇ,
ਦੁਨੀਆਂ ਨੇ ਸੰਙ ਛੱਡੀ,
ਤੂੰ ਵੀ ਛੱਡ ਸੰਙ ਵੇ ।
ਸੌਣ ਦਾ ਮਹੀਨਾ
ਖੁਲ੍ਹੇ ਧਰਤੀ ਦੇ ਅੰਗ ਵੇ,
ਗਗਨ ਹੋਏ ਮੱਤੇ
ਸੁੰਘ ਭੋਂ ਦੀ ਸੁਗੰਧ ਵੇ,
ਤੇਰੇ ਬਾਝ ਜਿੰਦ ਪਈ
ਬੂਹੇ ਵਾਂਗ ਬੰਦ ਵੇ ।
ਸੌਣ ਦਾ ਮਹੀਨਾ
ਖੁਲ੍ਹੀ ਬਦਲਾਂ ਦੀ ਮੀਂਢੀ ਵੇ,
ਕਾਹਨੂੰ ਮਾਰ ਬੈਠੋਂ ਜੀਵੇਂ
ਗੰਢ ਏਨੀਂ ਪੀਂਢੀ ਵੇ,
ਗੰਢਾਂ ਨਹੀਂ ਸਹਿਣ ਜੋਗੀ,
ਜਿੰਦੜੀ ਦੀ ਤੰਦ ਵੇ ।
ਸੌਣ ਦਾ ਮਹੀਨਾ
ਪਿਆ ਬਾਜਰੇ ਨੂੰ ਦਾਣਾ ਵੇ,
ਸਾਡੇ ਨਾਲ ਕਰੀਂ ਮਾਹੀਆ
ਹੋਰ ਨਾ ਧਿਙਾਣਾ ਵੇ,
ਕਲਿਆਂ ਨਾ ਕੱਟੇ ਹੋਰ,
ਜਿੰਦੜੀ ਦਾ ਪੰਧ ਵੇ ।
ਸੌਣ ਦਾ ਮਹੀਨਾ
ਪਿਆ ਛਲੀਆਂ ਨੂੰ ਦੁੱਧ ਵੇ,
ਅੰਬਰਾਂ ਤੋਂ ਡਿਗ,
ਚਾਹੇ ਧਰਤੀ 'ਚੋਂ ਉੱਗ ਵੇ,
ਪ੍ਰੀਤਾਂ ਦੇ ਹੰਢਾਏ ਬਾਝੋਂ,
ਜਿੰਦ ਗਈ ਹੰਢ ਵੇ ।
ਕਿਹੜੀ ਗਲੋਂ ਕੀਤੀਆ ਵੇ
ਅਸਾਂ ਵਲ ਕੰਡ ਵੇ ?
ਕਿਹੜੀ ਗਲੋਂ ਮੋੜੀਆ ਵੇ
ਅਸਾਂ ਵਲ ਕੰਡ ਵੇ ?
ਅਸਾਂ ਵਲ ਕੰਡ ਵੇ ?
ਕਿਹੜੀ ਗਲੋਂ ਮੋੜੀਆ ਵੇ
ਅਸਾਂ ਵਲ ਕੰਡ ਵੇ ?
ਸੌਣ ਦਾ ਮਹੀਨਾ
ਜਾਗ ਪਿਆ ਮੁੜ ਨਿਹੂੜਾ ਵੇ,
ਜਿਵੇਂ ਗੋਰੀ ਦਾ ਜੂੜਾ ਵੇ,
ਤੂੰ ਵੀ ਖੋਹਲ ਗੰਢ,
ਖੁਲ੍ਹੀ ਬਦਲਾਂ ਦੀ ਗੰਢ ਵੇ ।
ਸੌਣ ਦਾ ਮਹੀਨਾ
ਗੂੜ੍ਹੇ ਪ੍ਰੀਤਾਂ ਦੇ ਰੰਗ ਵੇ,
ਧਰਤੀ ਦੇ ਲੱਕ
ਵੀਣੀ ਗਗਨਾਂ ਦੀ ਤੰਗ ਵੇ,
ਦੁਨੀਆਂ ਨੇ ਸੰਙ ਛੱਡੀ,
ਤੂੰ ਵੀ ਛੱਡ ਸੰਙ ਵੇ ।
ਸੌਣ ਦਾ ਮਹੀਨਾ
ਖੁਲ੍ਹੇ ਧਰਤੀ ਦੇ ਅੰਗ ਵੇ,
ਗਗਨ ਹੋਏ ਮੱਤੇ
ਸੁੰਘ ਭੋਂ ਦੀ ਸੁਗੰਧ ਵੇ,
ਤੇਰੇ ਬਾਝ ਜਿੰਦ ਪਈ
ਬੂਹੇ ਵਾਂਗ ਬੰਦ ਵੇ ।
ਸੌਣ ਦਾ ਮਹੀਨਾ
ਖੁਲ੍ਹੀ ਬਦਲਾਂ ਦੀ ਮੀਂਢੀ ਵੇ,
ਕਾਹਨੂੰ ਮਾਰ ਬੈਠੋਂ ਜੀਵੇਂ
ਗੰਢ ਏਨੀਂ ਪੀਂਢੀ ਵੇ,
ਗੰਢਾਂ ਨਹੀਂ ਸਹਿਣ ਜੋਗੀ,
ਜਿੰਦੜੀ ਦੀ ਤੰਦ ਵੇ ।
ਸੌਣ ਦਾ ਮਹੀਨਾ
ਪਿਆ ਬਾਜਰੇ ਨੂੰ ਦਾਣਾ ਵੇ,
ਸਾਡੇ ਨਾਲ ਕਰੀਂ ਮਾਹੀਆ
ਹੋਰ ਨਾ ਧਿਙਾਣਾ ਵੇ,
ਕਲਿਆਂ ਨਾ ਕੱਟੇ ਹੋਰ,
ਜਿੰਦੜੀ ਦਾ ਪੰਧ ਵੇ ।
ਸੌਣ ਦਾ ਮਹੀਨਾ
ਪਿਆ ਛਲੀਆਂ ਨੂੰ ਦੁੱਧ ਵੇ,
ਅੰਬਰਾਂ ਤੋਂ ਡਿਗ,
ਚਾਹੇ ਧਰਤੀ 'ਚੋਂ ਉੱਗ ਵੇ,
ਪ੍ਰੀਤਾਂ ਦੇ ਹੰਢਾਏ ਬਾਝੋਂ,
ਜਿੰਦ ਗਈ ਹੰਢ ਵੇ ।
ਕਿਹੜੀ ਗਲੋਂ ਕੀਤੀਆ ਵੇ
ਅਸਾਂ ਵਲ ਕੰਡ ਵੇ ?
ਕਿਹੜੀ ਗਲੋਂ ਮੋੜੀਆ ਵੇ
ਅਸਾਂ ਵਲ ਕੰਡ ਵੇ ?
