Bhardwaj Ramesh
Member
ਹਸਰਤ ਤੈਨੂੰ ਦਿਲ ਦੀ ਅੱਜ ਸੁਣਾ ...ਦੇਵਾਂ i
ਬੁਝਦੇ ਦੀਪ ‘ਚ ਤੇਲ ਜਿਗਰ ਦਾ ਪਾ ਦੇਵਾਂ i
ਪੱਥਰ ਦਿਲ ਵੀ ਮੋਮ ਮੈਂ ਹੁੰਦੇ ਵੇਖੇ......... ਨੇ,
ਪਰ ਮੈਂ ਤੇਰੇ ਦਿਲ ਨੂੰ ਕਿੰਝ ਪਿਘਲਾ .ਦੇਵਾਂ i
ਐ ਸਜਣਾ ਤੂੰ ਜਿਹੜੇ ਰਾਹੀਂ ਲੰਘਣਾ...... ਏ ,
ਕੰਡੇ ਚੁਣਕੇ ਕੋਮਲ ਫੁੱਲ ਵਿਛਾ .......ਦੇਵਾਂ i
ਬਣਕੇ ਬੂੰਦ ਜੁਦਾ ਮੈਂ ਹੋਇਆ ਸਾਗਰ. ...ਤੋਂ,
ਤੇਰੇ ਵਿਚ ਹੁਣ ਅਪਣਾ ਆਪ ਸਮਾ ..ਦੇਵਾਂ i
ਨਾ ਮੈਂ ਜਾਣਾ ਸਾਈੰ ਤੇ ਨਾ ਮੁਰਸ਼ਦ ......ਨੂੰ ,
ਮੇਰਾ ਤਾਂ ਰਬ ਤੂੰ ਹੈ ਸ਼ੀਸ ਝੁਕਾ .....ਦੇਵਾਂ i
ਹੋਇਆ ਜੋਰ ਬਥੇਰਾ ਘੋਰ ਹਨੇਰੇ .......ਦਾ,
ਆਮਦ ਹੋਏ ਤੇਰੀ ਰੂਹ ਰੁਸ਼ਨਾ...... ਦੇਵਾਂ i
ਦੂਰ ਪਰੇ ਤਕ ਫੈਲੈ ਨੇਹ੍ਰ ਵੀ ........ਦੇਖਾਂਗੇ ,
ਪਹਿਲਾਂ ਅਪਣੇ ਅੰਦਰ ਦੀਪ ਜਗਾ.. ਦੇਵਾਂ i
ਤੇਰੇ ਦਿਲ ਦੇ ਧੁਰ ਅੰਦਰ ਤਕ ਲਹਿ ਜਾਵਾਂ,
ਜੀ ਕਰਦਾ ਇਕ ਐਸਾ ਸ਼ਿਅਰ ਬਣਾ ਦੇਵਾਂ i
ਆਰ.ਬੀ.ਸੋਹਲ