ਨਰਕ ‘ਚ ਭੇਜਣਾ ਚਾਹੁੰਦਾ ਹਾਂ”

ਮੈਨੂੰ ਛੱਡ ਦਿਓ, ਮੈਂ ਸ਼ਹੀਦ ਹੋਣਾ ਚਾਹੁੰਦਾ ਹਾਂ। ਮੈਂ ਪਾਕਿਸਤਾਨ ਦੇ ਸਾਰੇ ਪੁਲਸ ਕਰਮਚਾਰੀਆਂ ਨੂੰ ਨਰਕ ‘ਚ ਭੇਜਣਾ ਚਾਹੁੰਦਾ ਹਾਂ। ਇਹ ਵਿਚਾਰ ਉਸ 14 ਸਾਲਾ ਅੱਤਵਾਦੀ ਫਿਦਾ ਹੁਸੈਨ ਦੇ ਹਨ, ਜੋ ਬੀਤੇ ਦਿਨੀਂ ਪਾਕਿਸਤਾਨ ਦੇ ਕਸਬਾ ਡੇਰਾ ਗਾਜ਼ੀ ਖਾਨ ਦੇ ਇਕ ਧਾਰਮਿਕ ਸਥਾਨ ‘ਤੇ ਹੋਏ ਆਤਮਘਾਤੀ ਹਮਲੇ ਕਰਕੇ 50 ਤੋਂ ਜ਼ਿਆਦਾ ਲੋਕਾਂ ਨੂੰ ਮੌਤ ਦੇ ਘਾਟ ਉਤਾਰਨ ‘ਚ ਸਫਲ ਹੋਣ ਵਾਲੇ ਨੌਜਵਾਨ ਦਾ ਸਾਥੀ ਸੀ ਅਤੇ ਖੁਦ ਨੂੰ ਬੰਬ ਨਾਲ ਉੱਡਾ ਕੇ ਲੋਕਾਂ ਦੀ ਹੱਤਿਆ ਕਰਕੇ ਖੁਦ ਨੂੰ ਸ਼ਹੀਦਾਂ ਦੀ ਗਿਣਤੀ ‘ਚ ਲਿਆਉਣਾ ਚਾਹੁੰਦਾ ਸੀ ਪਰ ਉਸਦੇ ਬੰਬ ਨੇ ਕੰਮ ਨਹੀਂ ਕੀਤਾ ਅਤੇ ਉਹ ਆਪਣੇ ਸ਼ਰੀਰ ‘ਤੇ ਬੰਨ੍ਹੇ ਬੰਬ ਨੂੰ ਸੁੱਟਕੇ ਦੌੜਨਾ ਚਾਹੁੰਦਾ ਸੀ ਕਿ ਲੋਕਾਂ ਦੇ ਹੱਥ ਆ ਗਿਆ। ਲੋਕਾਂ ਨੇ ਉਸਨੂੰ ਪੁਲਸ ਦੇ ਹਵਾਲੇ ਤਾਂ ਕਰ ਦਿੱਤਾ ਪਰ ਪੁਲਸ ਅਜੇ ਇਸ ਬੱਚੇ ਸਬੰਧੀ ਚੁੱਪੀ ਧਾਰਨ ਕੀਤੇ ਹੋਈ ਹੈ। ਇਸ ਸੰਬੰਧੀ ਇਕੱਠੀ ਕੀਤੀ ਗਈ ਜਾਣਕਾਰੀ ਅਨੁਸਾਰ ਫੜਿਆ ਗਿਆ ਫਿਦਾ ਹੁਸੈਨ ਅਫਗਾਨਿਸਤਾਨ ਸੀਮਾ ਦੇ ਨਾਲ ਲੱਗਦੇ ਇਲਾਕੇ ਵਜੀਰਿਸਤਾਨ ਦਾ ਰਹਿਣ ਵਾਲਾ ਹੈ ਅਤੇ ਅੱਤਵਾਦੀਆਂ ਦੀ ਪ੍ਰੇਰਨਾ ਨਾਲ ਇਹ ਮਨੁੱਖੀ ਬੰਬ ਬਣਨ ਲਈ ਤਿਆਰ ਹੋਇਆ ਸੀ। ਪੂਰੀ ਤਰ੍ਹਾਂ ਨਾਲ ਅਨਪੜ੍ਹ ਫਿਦਾ ਹੁਸੈਨ ਪਾਕਿਸਤਾਨ ਵਿਚ ਇਸਲਾਮ ਵਿਰੋਧੀ ਲੋਕਾਂ ਅਤੇ ਪਾਕਿਸਤਾਨੀ ਪੁਲਸ ਨੂੰ ਸਮੂਹ ਮੁਸਲਿਮਾਂ ਦਾ ਦੁਸ਼ਮਣ ਮੰਨ ਰਿਹਾ ਹੈ। ਉਸ ਦਾ ਸਾਥੀ ਜੋ ਆਪਣੇ ਆਪ ਨੂੰ ਬੰਬ ਨਾਲ ਉਡਾਉਣ ਵਿਚ ਸਫ਼ਲ ਹੋ ਗਿਆ ਵੀ ਵਜੀਰਿਸਤਾਨ ਦਾ ਰਹਿਣ ਵਾਲਾ ਸੀ । ਫਿਦਾ ਹੁਸੈਨ ਅਨੁਸਾਰ ਵਜੀਰਿਸਤਾਨ ਇਲਾਕੇ ਵਿਚ 13-14 ਸਾਲਾਂ ਦੇ ਜ਼ਿਆਦਾ ਲੜਕੇ ਇਸ ਸਮੇਂ ਅੱਤਵਾਦੀਆਂ ਦੇ ਦਿਸ਼ਾ-ਨਿਰਦੇਸ਼ਾਂ ‘ਤੇ ਕੰਮ ਕਰ ਰਹੇ ਹਨ ਅਤੇ ਮਨੁੱਖੀ ਬੰਬ ਬਣਨ ਦੀ ਟ੍ਰੇਨਿੰਗ ਪ੍ਰਾਪਤ ਕਰ ਚੁੱਕੇ ਹਨ। ਫਿਦਾ ਹੁਸੈਨ ਅਨੁਸਾਰ ਉਸ ਨੂੰ ਇਹ ਸਿੱਖਿਆ ਦਿੱਤੀ ਗਈ ਹੈ ਕਿ ਪਾਕਿਸਤਾਨ ਦੀ ਪੁਲਸ ਤੇ ਸੈਨਾ ਇਸਲਾਮ ਤੇ ਮੁਸਲਿਮਾਂ ਦਾ ਸਫ਼ਾਇਆ ਕਰ ਰਹੀ ਹੈ। ਉਸ ਦੇ ਅਨੁਸਾਰ ਜੇ ਉਸ ਨੂੰ ਫਿਰ ਕਦੀ ਮੌਕਾ ਮਿਲਿਆ ਤਾਂ ਉਹ ਫਿਰ ਮਨੁੱਖੀ ਬੰਬ ਬਣ ਕੇ ਆਪਣੇ ਆਪ ਨੂੰ ਸ਼ਹੀਦ ਕਰੇਗਾ।