Punjab News ਸੁਹਾਗਰਾਤ 'ਚ ਖੁੱਲ੍ਹ ਗਈ ਪੋਲ- ਲਾੜ੍ਹਾ ਨਿਕਲਿਆ 50 ਸਾ

ਸਿਕੰਦਰਾਬਾਦ— ਨਿਕਾਹ ਦੇ 15 ਘੰਟਿਆਂ ਬਾਅਦ ਨਵੀਂ ਦੁਲਹਨ ਨੇ ਆਪਣੇ ਸ਼ੌਹਰ ਨੂੰ ਤਲਾਕ ਦੇ ਦਿੱਤਾ। ਮਸਲਾ ਇਹ ਸੀ ਕਿ 18 ਸਾਲਾ ਦੁਲਹਨ ਨੂੰ ਉਸਦੇ ਲਾੜੇ ਦੀ ਉਮਰ 25 ਸਾਲ ਦੱਸੀ ਗਈ ਸੀ ਪਰ ਸੁਹਾਗਰਾਤ ਦੀ ਸੇਜ 'ਤੇ ਰਾਜ ਖੁੱਲ੍ਹ ਗਿਆ। ਲਾੜਾ 50 ਸਾਲ ਦਾ ਬੁੱਢਾ ਨਿਕਲਿਆ।
ਇਸ ਬਜ਼ੁਰਗ ਮੀਆਂ ਨੂੰ ਦੇਖ ਨਵੀਂ ਦੁਲਹਨ ਦਾ ਪਾਰਾ ਚੜ੍ਹ ਗਿਆ। ਉਸਨੇ ਅਜਿਹਾ ਬਖੇੜਾ ਖੜਾ ਕੀਤਾ ਕਿ ਮਾਮਲਾ ਪੰਚਾਇਤ 'ਚ ਪਹੁੰਚਿਆ ਅਤੇ ਦੋਵਾਂ ਦਾ ਤਲਾਕ ਹੋ ਗਿਆ। ਇਸ ਬੰਗਾਲੀ ਲੜਕੀ ਨੇ ਆਪਣੀ ਭੈਣ ਅਤੇ ਜੀਜਾ 'ਤੇ ਖੁਦ ਨੂੰ 25 ਹਜ਼ਾਰ ਰੁਪਏ 'ਚ ਬੁੱਢੇ ਨੂੰ ਵੇਚਣ ਦਾ ਵੀ ਦੋਸ਼ ਲਗਾਇਆ ਹੈ। ਹਾਲਾਂਕਿ ਇਸ ਮਾਮਲੇ 'ਚ ਕੋਈ ਐਫ. ਆਈ. ਆਰ. ਦਰਜ ਨਹੀਂ ਕੀਤੀ ਗਈ।
ਬੰਗਾਲ ਨਿਵਾਸੀ ਇਕ 18 ਸਾਲਾ ਲੜਕੀ ਆਪਣੀ ਭੈਣ ਅਤੇ ਜੀਜਾ ਨਾਲ ਸਿਕੰਦਰਾਬਾਦ ਦੀ ਨਵੀਂ ਬਸਤੀ 'ਚ ਰਿਸ਼ਤੇਦਾਰ ਦੇ ਘਰ 'ਚ ਰਹਿ ਰਹੀ ਸੀ। ਇਕ ਹਫਤੇ ਪਹਿਲਾਂ ਰਿਸ਼ਤੇਦਾਰ ਨੇ ਲੜਕੀ ਦਾ ਰਿਸ਼ਤਾ ਮੇਹਤਾਬ ਨਗਰ 'ਚ ਇਕ ਵਿਅਕਤੀ ਨਾਲ ਤੈਅ ਕਰ ਦਿੱਤਾ। ਰਿਸ਼ਤਾ ਜਦੋਂ ਤੈਅ ਹੋਇਆ ਉਦੋਂ ਸ਼ੌਹਰ ਦੀ ਉਮਰ 25 ਸਾਲ ਦੱਸੀ ਗਈ ਸੀ। ਇਸਦੇ ਚੱਲਦੇ ਸ਼ਨੀਵਾਰ ਨੂੰ ਨਵੀਂ ਬਸਤੀ 'ਚ 'ਚ ਦੋਵਾਂ ਦਾ ਧੂਮਧਾਮ ਨਾਲ ਵਿਆਹ ਕਰਾਇਆ ਗਿਆ।
ਪਰਿਵਾਰ ਵਾਲਿਆਂ ਨੇ ਲੜਕੀ ਨੂੰ ਲੜਕੇ ਨਾਲ ਵਿਦਾ ਕਰ ਦਿੱਤਾ। ਰਾਤ ਕਰੀਬ 11 ਵਜੇ ਆਪਣੀ ਪਤਨੀ ਸਾਹਮਣੇ ਪੁੱਜੇ ਮੀਆਂ ਨੂੰ ਦੇਖ ਦੁਲਹਨ ਦਾ ਪਾਰਾ ਚੜ੍ਹ ਗਿਆ। ਲੜਕੀ ਦਾ ਕਹਿਣਾ ਹੈ ਕਿ ਉਸ ਆਦਮੀ ਦੀ ਉਮਰ 50 ਸਾਲ ਤੋਂ ਵੱਧ ਹੈ। ਉਹ ਸ਼ੌਹਰ ਨਾਲ ਲੜਕੇ ਆਪਣੀ ਸੱਸ ਕੋਲ ਆ ਕੇ ਸੌ ਗਈ। ਐਤਵਾਰ ਦੀ ਸਵੇਰ ਲੜਕੀ ਬਿਨਾਂ ਕਿਸੇ ਨੂੰ ਕੁਝ ਕਹੇ ਉਥੋਂ ਫਰਾਰ ਹੋ ਗਈ। ਘਰ ਦੇ ਲੋਕ ਸਵੇਰੇ ਉਠੇ ਤਾਂ ਦੁਲਹਨ ਗਾਇਬ ਸੀ।
ਸਹੁਰੇ ਦੇ ਲੋਕ ਦੁਲਹਨ ਨੂੰ ਲੱਭ ਰਹੇ ਸਨ ਕਿ ਸਿਕੰਦਰਾਬਾਦ ਤੋਂ ਦੁਲਹਨ ਦਾ ਫੋਨ ਪਹੁੰਚ ਗਿਆ। ਸਹੁਰੇ ਵਾਲੇ ਨਵੀਂ ਬਸਤੀ 'ਚ ਦੁਲਹਨ ਦੇ ਰਿਸ਼ਤੇਦਾਰ ਘਰ ਪਹੁੰਚ ਗਏ। ਲੜਕੀ ਨੇ ਸਹੁਰੇ ਘਰ ਜਾਣ ਤੋਂ ਇਨਕਾਰ ਕਰ ਦਿੱਤਾ। ਇਸ ਦੌਰਾਨ ਇਹ ਵੀ ਦੋਸ਼ ਲੱਗਾ ਕਿ ਬੁੱਢੇ ਨਾਲ 25 ਹਜ਼ਾਰ ਰੁਪਏ 'ਚ ਸੌਦਾ ਹੋਇਆ ਸੀ। ਮਾਮਲਾ ਪੰਚਾਇਤ 'ਚ ਪੁੱਜਾ ਅਤੇ ਪੰਚਾਇਤ ਨੇ ਮਹਿਲਾ ਨੂੰ ਤਲਾਕ ਦਿਵਾ ਕੇ ਰਿਸ਼ਤਾ ਖਤਮ ਕਰਵਾ ਦਿੱਤਾ।​