jass_cancerian
VIP
ਬੜਾ ਹੀ ਰੋਲਿਆ ਪੈਰਾਂ ਚ,ਮੈਨੂੰ ਇਸ ਜ਼ਮਾਨੇ ਨੇ,
ਪਿਆ ਬੇਸੁਰਤ ਹਾਂ ਚਿਰ ਦਾ,ਤੂੰ ਆ ਕੇ ਉਠਾ ਮੈਨੂੰ,
ਪਿਆ ਬੇਸੁਰਤ ਹਾਂ ਚਿਰ ਦਾ,ਤੂੰ ਆ ਕੇ ਉਠਾ ਮੈਨੂੰ,
ਰਿਹਾ ਕਰ ਸਾਹਮਣੇ ਮੇਰੇ,ਬੁਲਾ ਜਾਂ ਨਾਂ ਬੁਲਾ ਮੈਨੂੰ,
ਨਾਂ ਮੈਥੋਂ ਦੂਰ ਜਾ ਇੰਨੀ,ਨਾਂ ਕਰ ਬੇ ਆਸਰਾ ਮੈਨੂੰ,
ਗੁਜ਼ਰਨਾ ਹੈ ਮੈਂ ਕਿਥੋਂ ਦੀ,ਪਤਾ ਹੈ ਪੁੱਜਣਾ ਕਿਥੇ,
ਨਸੀਹਤ ਰਹਿਣ ਦੇ ਤੂੰ ਅਪਣੀ,ਨਾਂ ਰਾਸਤਾ ਦਿਖਾ ਮੈਨੂੰ,
ਕਿਸੇ ਨੂੰ ਦਰਦ ਕੀ ਮੇਰਾ,ਮੈਂ ਹਾਂ ਇੱਕ ਸੁੱਕਿਆ ਪੱਤਾ,
ਉਡਾਉਂਦੀ ਹੈ ਕਦੇ ਇਧਰ,ਕਦੇ ਉਧਰ ਹਵਾ ਮੈਨੂੰ,
ਮੁਹਬੱਤ ਕਰ ਨਾਂ ਤੂੰ ਇੰਨੀ,ਕੇ ਕੱਲਾ ਰਹਿ ਨਾਂ ਸਕਾਂ ਮੈਂ,
ਤੂੰ ਮੱਥਾ ਚੁੰਮ ਨਾਂ ਮੇਰਾ,ਨਾਂ ਬੁੱਕਲ ਵਿੱਚ ਛੁਪਾ ਮੈਨੂੰ,
ਇਹ ਕੀ ਹੈ ਹੋ ਗਿਆ ਮੈਨੂੰ, ਪਤਾ ਕੁਝ ਵੀ ਨਹੀਂ ਲਗਦਾ,
ਨਜ਼ਰ ਕੁਝ ਵੀ ਨਹੀਂ ਆਉਂਦਾ,ਤੇਰੇ ਮੁੱਖ ਤੋਂ ਸਿਵਾ ਮੈਨੂੰ,
ਬੜਾ ਹੀ ਰੋਲਿਆ ਪੈਰਾਂ ਚ,ਮੈਨੂੰ ਇਸ ਜ਼ਮਾਨੇ ਨੇ,
ਪਿਆ ਬੇਸੁਰਤ ਹਾਂ ਚਿਰ ਦਾ,ਤੂੰ ਆ ਕੇ ਉਠਾ ਮੈਨੂੰ,
ਇਹ ਦਿਲ ਕੀ ਚੀਜ਼ ਹੈ,ਸਿਰ ਵਾਰ ਦੇਵਾਂ ਮੈਂ ਤੇਰੇ ਉਤੋਂ,
ਤੇਰੇ ਕਦਮਾਂ ਚ ਮਿਲ ਜਾਵੇ,ਜੇ ਥੋੜੀ ਜਗਾ ਮੈਨੂੰ,
