KARAN
Prime VIP
ਕੌਣ ਆਖਦਾ ਇਸ਼ਕ ਦੇ ਮੱਥੇ
ਹੁਸਨ ਦਾ ਗਹਿਣਾ ਸਜਦਾ ਨਾ ।
ਲੋਹੇ-ਰੰਗੀ ਜਵਾਨੀ ਦੇ ਗਲ
ਰੱਤਾ ਚੂੜਾ ਫਬਦਾ ਨਾ ।
ਕੌਣ ਆਖਦਾ ਵਿੱਚ ਵਿਛੋੜੇ
ਇਸ਼ਕ ਦਾ ਸ਼ੁਅਲਾ ਭੜਕੇ ਨਾ ।
ਕੌਣ ਆਖਦਾ ਵਿਚ ਵਸਲ ਦੇ
ਦਿਲ ਤਿਰਖੇਰਾ ਧੜਕੇ ਨਾ ।
ਕੌਣ ਆਖਦਾ ਅਤੀ ਸੁਖਾਵੀਂ
ਜ਼ੁਲਫ਼ਾਂ ਦੀ ਘੁੱਪ ਰਾਤ ਨਹੀਂ,
ਕੌਣ ਕਹੇ ਰਤੀਆਂ ਤੋਂ ਮਹਿੰਗੀ
ਰਾਜ਼ ਨਿਆਜ਼ ਦੀ ਬਾਤ ਨਹੀਂ ।
ਪਰ ਹੁਣ ਜ਼ੁਲਫ਼ਾਂ ਦੀ ਛਾਂ ਥੱਲੇ
ਪਿਆਰੀ ਨੀਂਦਰ ਆਂਦੀ ਨਾ,
ਨਿਜੀ ਪਿਆਰ ਦੇ ਠੇਕੇ ਉਤੇ
ਰੂਹ ਮੇਰੀ ਨਸ਼ਿਆਂਦੀ ਨਾ ।
ਹੁਣ ਤਾਂ ਮੰਗ ਸਮੇਂ ਦੀ ਪਿਆਰੀ
ਇਸ਼ਕ ਮੇਰਾ ਲੋਹਾਰ ਬਣੇ,
ਤਾਪ ਸੀਨੇ ਦੀ ਭੱਠੀ ਅੰਦਰ
ਦਿਲ ਮੇਰਾ ਹਥਿਆਰ ਬਣੇ ।
ਜੀਵਨ ਭਰ ਮੈਂ ਮਾਣ ਕਰਾਂਗਾ
ਪਿਆਰੀ ਤੇਰੇ ਪਿਆਰ ਉਤੇ ।
ਬਣ ਕੇ ਸਿਕਲੀ ਗਰਨੀ ਜੇ ਤੂੰ
ਪਾਣ ਚੜ੍ਹਾ ਦਏਂ ਸਾਰ ਉਤੇ ।
- ਪ੍ਰੋਫੈਸਰ ਮੋਹਨ ਸਿੰਘ
ਹੁਸਨ ਦਾ ਗਹਿਣਾ ਸਜਦਾ ਨਾ ।
ਲੋਹੇ-ਰੰਗੀ ਜਵਾਨੀ ਦੇ ਗਲ
ਰੱਤਾ ਚੂੜਾ ਫਬਦਾ ਨਾ ।
ਕੌਣ ਆਖਦਾ ਵਿੱਚ ਵਿਛੋੜੇ
ਇਸ਼ਕ ਦਾ ਸ਼ੁਅਲਾ ਭੜਕੇ ਨਾ ।
ਕੌਣ ਆਖਦਾ ਵਿਚ ਵਸਲ ਦੇ
ਦਿਲ ਤਿਰਖੇਰਾ ਧੜਕੇ ਨਾ ।
ਕੌਣ ਆਖਦਾ ਅਤੀ ਸੁਖਾਵੀਂ
ਜ਼ੁਲਫ਼ਾਂ ਦੀ ਘੁੱਪ ਰਾਤ ਨਹੀਂ,
ਕੌਣ ਕਹੇ ਰਤੀਆਂ ਤੋਂ ਮਹਿੰਗੀ
ਰਾਜ਼ ਨਿਆਜ਼ ਦੀ ਬਾਤ ਨਹੀਂ ।
ਪਰ ਹੁਣ ਜ਼ੁਲਫ਼ਾਂ ਦੀ ਛਾਂ ਥੱਲੇ
ਪਿਆਰੀ ਨੀਂਦਰ ਆਂਦੀ ਨਾ,
ਨਿਜੀ ਪਿਆਰ ਦੇ ਠੇਕੇ ਉਤੇ
ਰੂਹ ਮੇਰੀ ਨਸ਼ਿਆਂਦੀ ਨਾ ।
ਹੁਣ ਤਾਂ ਮੰਗ ਸਮੇਂ ਦੀ ਪਿਆਰੀ
ਇਸ਼ਕ ਮੇਰਾ ਲੋਹਾਰ ਬਣੇ,
ਤਾਪ ਸੀਨੇ ਦੀ ਭੱਠੀ ਅੰਦਰ
ਦਿਲ ਮੇਰਾ ਹਥਿਆਰ ਬਣੇ ।
ਜੀਵਨ ਭਰ ਮੈਂ ਮਾਣ ਕਰਾਂਗਾ
ਪਿਆਰੀ ਤੇਰੇ ਪਿਆਰ ਉਤੇ ।
ਬਣ ਕੇ ਸਿਕਲੀ ਗਰਨੀ ਜੇ ਤੂੰ
ਪਾਣ ਚੜ੍ਹਾ ਦਏਂ ਸਾਰ ਉਤੇ ।
- ਪ੍ਰੋਫੈਸਰ ਮੋਹਨ ਸਿੰਘ