Bhardwaj Ramesh
Member
ਸਾਰ ਹੋਵੇ ਨਾ ਜੇ ਕਦੀਰਸਤਿਆਂ ਦੀ
ਪੈਰ ਧਰਨ ਤੋਂ ਪਹਿਲਾਂ ਵਿਚਾਰ ਕਰੀਏ
ਹੋਣ ਇਸ਼ਕ ਸਮੁੰਦਰ ਦੇ ਵਹਿਣ ਡੂੰਗੇ
ਤਾਰੂ ਬਣਕੇ ਹੀ ਫਿਰ ਇਕਰਾਰ ਕਰੀਏ
ਖਾਲੀ ਆਏ ਖਾਲੀ ਹੀ ਜਾਵਣਾ ਹੈ
ਇੰਝ ਦੌਲਤ ਦਾ ਨਾ ਹੰਕਾਰ ਕਰੀਏ
ਮੰਜੀ ਹੇਠ ਸੋਟਾ ਵੀ ਮਾਰ ਲਈਏ
ਗੁਨਾਹ ਕਿਸੇ ਦੇ ਫਿਰ ਇਜ਼ਹਾਰ ਕਰੀਏ
ਕਬੂਲ ਕਰ ਲਏ ਜਿਨੂੰ ਸਮਾਜ ਸਾਰਾ
ਐਸਾ ਹੀ ਸੋਹਣਾ ਸ਼ਿੰਗਾਰ ਕਰੀਏ
ਸੋਟੀ ਨਾਲ ਪਾਣੀ ਨਾ ਵੱਖ ਹੁੰਦਾ
ਨਾ ਸੱਚਿਆਂ ਨੂੰ ਬਦਕਾਰ ਕਰੀਏ
ਤਾਰੂ ਬਣਕੇ ਅਮਨ ਦਿਆਂ ਸਾਗਰਾਂ ਦਾ
ਨਦੀ ਵਹਿਸ਼ਤ ਦੀ ਫਿਰ ਨਾ ਪਾਰ ਕਰੀਏ
ਆਰ.ਬੀ.ਸੋਹਲ