ਵਰ੍ਹਿਆਂ ਪਿਛੋਂ ਖੁਦ ਦੇ ਕੋਲ ਬੈਠਾ ਹਾਂ

ਵਰ੍ਹਿਆਂ ਪਿਛੋਂ ਖੁਦ ਦੇ ਕੋਲ ਬੈਠਾ ਹਾਂ
ਕੀ ਦੱਸਾਂ ਕੀ ਕੀ ਫਰੋਲ ਬੈਠਾ ਹਾਂ |

ਅਰਥ ਤਾਂ ਹੋਵੇ ਕੋਈ ਮਕਸਦ ਵੀ ਹੋਵੇ
ਮੈਂ ਜਵਾਨੀ ਇੰਜ ਹੀ ਰੋਲ ਬੈਠਾ ਹਾਂ |

ਤੇਰੀ ਮਰਜ਼ੀ ਤੂੰ ਗਿਲਾ ਕਰ ਜਾਂ ਸਜ਼ਾ ਦੇ
ਦਿਲ ਨੂੰ ਤੇਰੇ ਅੱਗੇ ਖੋਲ ਬੈਠਾ ਹਾਂ |

ਪਿਆਰ ਦਾ ਤੇ ਵਣਜ ਦਾ ਕੀ ਮੇਲ ਹੁੰਦਾ
ਦਿਲ ਨੂੰ ਕੀਹਦੇ ਨਾਲ ਤੋਲ ਬੈਠਾ ਹਾਂ |

ਹੋ ਸਕੇ ਤਾਂ ਮਾਫ਼ ਕਰ ਦੇਵੀਂ ਤੂੰ ਮੈਨੂੰ
ਅੱਜ ਪਤਾ ਨਹੀਂ ਕੀ ਕੀ ਬੋਲ ਬੈਠਾ ਹਾਂ |

ਕੀ ਪਤਾ ਇਹ ਜ਼ਖਮ ਕਦ ਨਾਸੂਰ ਬਣਿਆ
ਦਰਦ ਨੂੰ ਦਿਲ ਨਾਲ ਘੋਲ ਬੈਠਾ ਹਾਂ ..

Writer - Shiv Kumar

wah ji wah