ਰੋਜ

ਨਿੱਤ ਨਮਾਜ਼ਾਂ ਪੜਨ ਵਾਲਿਉ
ਧਰਮ ਦੇ ਨਾ ਤੇ ਲੜਨ ਵਾਲਿਉ
ਵਿੱਚ ਕੁਰਾਨ ਦੇ ਕਿੱਥੇ ਲਿਖਿਆ
ਕਿਹੜੀ ਇਹ ਮਜਬੂਰੀ ਏ
ਕਿਸ ਅੱਲਾ ਨੂੰ ਖੁਸ਼ ਕਰਨ ਲਈ
ਐਨਾ ਖੂਨ ਜਰੂਰੀ ਏ

ਦੁਨੀਆਂ ਦੇ ਤੁਸੀ ਗੁੰਬਦ ਢਾਹ ਤੇ
ਕਿੰਨੇ ਲੋਕੀ ਖਾਕ ਮਿਲਾ ਤੇ
ਫੁਲ ਹਜਾਰਾਂ ਖਿੜਣ ਤੋ ਪਹਿਲਾ
ਨਫਰਤ ਦੀ ਇਸ ਅੱਗ ਵਿੱਚ ਪਾ ਤੇ
ਅਜੇ ਵੀ ਥੋਡੇ ਵਿੱਚ ਅਜਿਹੀ
ਕਿਹੜੀ ਰੀਝ ਅਧੂਰੀ ਏ
ਕਿਸ ਅੱਲਾ…….

ਰੋਕ ਦੇਵੋ ਇਹ ਬੰਬ ਧਮਾਕੇ
ਬੇਦੋਸਿ਼ਆਂ ਦੇ ਖੂਨੀ ਸਾਕੇ
ਦਰ ਅੱਲਾ ਦੇ ਕਿਵੇਂ ਜਾਵੋਗੇ
ਐਨੇ ਮਾੜੇ ਪਾਪ ਕਮਾ ਕੇ
ਵਿੱਚ ਜੱਨਤ ਦੇ ਜਾਣ ਦੀ ਥੋਡੀ
ਹੋਣੀ ਚਾਅ ਨਾ ਪੂਰੀ ਏ
ਕਿਸ ਅੱਲਾ………
 
Top