ਮੈਨੂ ਕਚ ਤੋਂ ਕੋਹਿਨੂਰ ਕੀਤਾ

Singh-a-lion

Prime VIP
ਤੁਸੀਂ ਸੁਣਨ ਵਾਲੇ ਤੇ ਚਾਹੁਣ ਵਾਲੇ ,
ਤੁਸੀਂ ਹੀਰੇਓ ਵੱਧ ਮੁੱਲ ਪਾਉਣ ਵਾਲੇ ,
ਤੁਸੀਂ ਪਲਕਾਂ ਉੱਤੇ ਬਿਠਾਉਣ ਵਾਲੇ |


ਅਸੀਂ ਥੋਡੇ ਕਰਕੇ ਹੱਸਦੇ ਹਾਂ ,
ਤੁਸੀਂ ਦੁਖੜੇ ਦਰਦ ਵੰਡਾਉਣ ਵਾਲੇ |


ਤੁਸੀਂ ਫੁੱਲ ਗੁਲਾਬੀ ਹੋਂ ਮਿੱਤਰੋ ,
ਸਾਡੇ ਵੇਹੜੇ ਨੂੰ ਮਹਿਕਾਉਣ ਵਾਲੇ |


ਅਸੀਂ ਮਣਕਾ ਮਣਕਾ ਹੋਏ ਪਏ ,
ਤੁਸੀਂ ਗਾਨੀਂ ਵਾਂਗ ਪਰੋਣ ਵਾਲੇ |


ਸਾਡੇ ਦਿਲ ਦੀ ਸੁੱਕੀ ਧਰਤੀ ਤੇ ,
ਤੁਸੀਂ ਵਰਦੇ ਬੱਦਲ ਸਾਉਣ ਵਾਲੇ |


ਸਾਡੇ ਚੰਨ ਵਰਗਿਆਂ ਲਫਜਾਂ ਨੂੰ ,
ਤੁਸੀਂ ਸੂਰਜ ਬਣ ਚਮਕਾਉਣ ਵਾਲੇ |


ਤੁਸੀਂ ਸਭ ਤੋਂ ਉਚੇ ਸਾਡੇ ਲਈ ,
ਸਾਨੂੰ ਉਚਾ ਆਖ ਬੁਲਾਉਣ ਵਾਲੇ |


ਮੈਨੂ ਕਚ ਤੋਂ ਕੋਹਿਨੂਰ ਕੀਤਾ ,
ਤੁਸੀਂ ਸਚਾ ਇਸ਼ਕ਼ ਕਮਾਉਣ ਵਾਲੇ |

 
Top