ਪੱਤਾ ਪੱਤਾ ਹੋ ਕੇ ਪੀਲਾ ਰੁੱਖ ਹੈ ਝੜਦਾ ਰਿਹਾ

BaBBu

Prime VIP
ਪੱਤਾ ਪੱਤਾ ਹੋ ਕੇ ਪੀਲਾ ਰੁੱਖ ਹੈ ਝੜਦਾ ਰਿਹਾ ।
ਫੇਰ ਵੀ ਕਾਲੀ ਹਵਾ ਦੇ ਨਾਲ ਹੈ ਲੜਦਾ ਰਿਹਾ ।

ਜ਼ਿੰਦਗੀ ਦੀ ਕੰਧ ਕਲਰਾਠੀ ਸੀ ਜੋ ਕਿਰਦੀ ਗਈ,
ਰਾਂਗਲੇ ਸ਼ੀਸ਼ੇ ਮੈਂ ਇਸ 'ਤੇ ਫੇਰ ਵੀ ਜੜਦਾ ਰਿਹਾ ।

ਸੋਚ ਦਾ ਪਾੜਾ ਨਜ਼ਰ ਦੀ ਮਾਰ ਤਾਈਂ ਫੈਲਿਆ,
ਜਦ ਤਿਰੇ ਮੇਰੇ ਵਿਚਾਲੇ ਕੋਈ ਨਾ ਪੜਦਾ ਰਿਹਾ ।

ਜ਼ਿੰਦਗੀ ਜਦ ਵੀ ਮਿਲੀ ਹੈ ਅਜਨਬੀ ਵਾਂਗੂੰ ਮਿਲੀ,
ਦੋਸਤਾਂ ਵਾਂਗੂੰ ਮੈਂ ਉਸ ਦਾ ਹਥ ਸਦਾ ਫੜਦਾ ਰਿਹਾ ।

ਬਣਦੀ ਬਣਦੀ ਝੀਲ ਆਖ਼ਰ ਰੇਤ ਦਾ ਥਲ ਬਣ ਗਈ,
ਮੈਂ ਕਿਨਾਰੇ ਬੈਠ ਕੇ ਤੇ ਪੁਸਤਕਾਂ ਪੜ੍ਹਦਾ ਰਿਹਾ।
 
Top