Bhardwaj Ramesh
Member
ਦਿਲਾ ਪਿਆਰ ਨਾ ਕਰੀਂ ਐਂਵੇ ਲੁੱਟ ਜਾਵੇਂਗਾ
ਏਥੇ ਤਿੜਕੇ ਨੇ ਲੱਖਾਂ ਤੂੰ ਵੀ ਟੁੱਟ ਜਾਵੇਂਗਾ
ਜਿਨਾ ਹੱਸ ਹੱਸ ਅੱਖਾਂ ਰਾਹੀਂ ਤੇਰੇ ਕੋਲ ਆਉਣਾ
ਉਹਨਾਂ ਸੁਣਨੀ ਨਾ ਤੇਰੀ ਰਾਗ ਆਪਣਾ ਹੀ ਗਾਉਣਾ
ਭੁੱਲ ਆਪਣੀ ਤੂੰ ਹੋਰਾਂ ਲਈ ਹੀ ਜੁੱਟ ਜਾਵੇਂਗਾ
ਦਿਲਾ ਪਿਆਰ ਨਾ ਕਰੀਂ ਐਂਵੇ ਲੁੱਟ ਜਾਵੇਂਗਾ
ਦੀਵੇ ਪਿਆਰ ਵਾਲੇ ਖੂਨ ਦੇ ਕੇ ਜਿਨਾ ਲਈ ਜਗਾਉਨੇ
ਉਹਨਾਂ ਜ਼ੁਲਮਾਂ ਦੀ ਹਵਾ ਨਾਲ ਆਪ ਹੀ ਬੁਝਾਉਣੇ
ਤੂੰ ਹਨੇਰਿਆਂ ਦੇ ਆਲਿਆਂ ‘ਚ ਘੁਟ ਜਾਵੇਂਗਾ
ਦਿਲਾ ਪਿਆਰ ਨਾ ਕਰੀਂ ਐਂਵੇ ਲੁੱਟ ਜਾਵੇਂਗਾ
ਬੂਟਾ ਚਾਵਾਂ ਚਾਵਾਂ ਨਾਲ ਤੁਸਾਂ ਇਸ਼ਕ ਦਾ ਲਾਉਣਾ
ਤੁਸੀਂ ਰੱਤ ਨਾਲ ਸਿੰਝੋ ਉਹਨਾ ਪਾਣੀ ਵੀ ਨ੍ਹੀ ਪਾਉਣਾ
ਫੁੱਲ ਮਰ ਜਾਣੇ ਸੂਲਾਂ ਨਾਲ ਫੁੱਟ ਜਾਵੇਂਗਾ
ਦਿਲਾ ਪਿਆਰ ਨਾ ਕਰੀਂ ਐਂਵੇ ਲੁੱਟ ਜਾਵੇਂਗਾ
ਏਥੇ ਅਜਲਾਂ ਤੋਂ ਤੈਨੂੰ ਬਸ ਡੋਬਿਆ ਝਨਾ ਨੇ
ਕਦੇ ਟੰਗ ਦਿੱਤੇ ਤੀਰ ਕਦੇ ਮਾਰਿਆ ਭਰਾ ਨੇ
ਬਣ ਮਛਲੀ ਤੂੰ ਪਾਣੀਆਂ ਤੋਂ ਛੁੱਟ ਜਾਵੇਂਗਾ
ਦਿਲਾ ਪਿਆਰ ਨਾ ਕਰੀਂ ਐਂਵੇ ਲੁੱਟ ਜਾਵੇਂਗਾ
ਏਥੇ ਤਿੜਕੇ ਨੇ ਲਖਾਂ ਤੂੰ ਵੀ ਟੁੱਟ ਜਾਵੇਂਗਾ
ਆਰ.ਬੀ.ਸੋਹਲ
