Bhardwaj Ramesh
Member
ਦਿਲ ਵਾਲੇ ਜ਼ਖਮਾਂ ਨੂੰ ਭਰ ਸਕਾਂ ਨਾ i
ਪੀੜਾ ਹੁਣ ਕਿਸੇ ਦੀ ਮੈਂ ਜ਼ਰ ਸਕਾਂ ਨਾ i
ਰਿਹਾ ਜੀ ਮੈਂ ਜਿੰਦਗੀ ਮਲਾਹਬਣਕੇ,
ਸਾਗਰਾਂ ਦੇ ਕੰਡੇ ਹਾਂ ਤਰ ਸਕਾਂਨਾ i
ਕਰਦੀ ਹੈ ਰੂਹ ਛੇਤੀ ਘਰ ਜਾਣ ਦੀ,
ਮਰਨਾ ਵੀ ਚਾਹਾਂ ਕਦੀ ਮਰ ਸਕਾਂ ਨਾ i
ਰੂਹ ਦਾ ਬਨੇਰਾ ਤਾਂ ਰਿਹਾ ਸੱਖਣਾ,
ਬਾਲ ਕੇ ਚਿਰਾਗ ਵੀ ਮੈਂ ਧਰ ਸਕਾਂ ਨਾ i
ਕੈਦ ਵਿੱਚ ਰਹਿੰਦੇ ਸਦਾ ਹੀ ਖਿਆਲ,
ਅੰਬਰੀਂ ਉਡਾਰੀ ਕਦੀ ਭਰ ਸਕਾਂ ਨਾ i
ਪਿੱਠ ਰੱਖ ਸੂਰਜ ਮੈਂ ਸਦਾ ਚੱਲਿਆ,
ਚੰਨ ਦੀ ਮੈਂ ਚਾਨਣੀ ‘ਚ ਠਰ ਸਕਾਂ ਨਾ i
ਜਿੰਦਗ ਦਾ ਖੇਤ ਖਾ ਲਿਆ ਔੜਾਂ ਨੇ,
ਗੁੰਮ ਸੁੰਮ ਬੱਦਲੀ ਹਾਂ ਵਰ ਸਕਾਂ ਨਾ i
ਆਰ.ਬੀ.ਸੋਹਲ
