Bhardwaj Ramesh
Member
ਤੈਨੂੰ ਕਿੰਝ ਸਮਝਾਵਾਂ ਸੱਜਣਾ ਵੇ
ਤੈਥੋਂ ਨਜ਼ਰ ਹਟਾਈ ਨਹੀਂ ਜਾਂਦੀ
ਜੋ ਦਿਲ ਵਿਚ ਵਾਸਾ ਕਰ ਬਹਿੰਦੇ
ਉਹਨੂੰ ਪਿਠ ਵਿਖਾਈ ਨਹੀਂ ਜਾਂਦੀ
ਤੈਨੂੰ ਕਿੰਝ ਸਮਝਾਵਾਂ ਸੱਜਣਾ ਵੇ
ਤੈਥੋਂ ਨਜ਼ਰ ਹਟਾਈ ਨਹੀਂ ਜਾਂਦੀ
ਜੋ ਇਸ਼ਕ ਦੀ ਰਾਹ ਉੱਤੇ ਤੁਰ ਪੈਂਦੇ
ਉਹ ਰੱਬ ਦਾ ਫਜਲ ਮਨਾਉਂਦੇ ਨੇ
ਬੇਲੇ ਜੰਗਲਾਂ ਤੋਂ ਉਹਨਾ ਕੀ ਲੈਣਾ
ਉਹ ਅੰਦਰੋਂ ਹੀ ਯਾਰ ਨੂੰ ਪਾਉਂਦੇ ਨੇ
ਤੇਰੇ ਇਸ਼ਕ ਨੇ ਝੱਲੀ ਕਰ ਦਿੱਤਾ
ਹੋਰ ਸਹੀ ਇਹ ਜੁਦਾਈ ਨਹੀਂ ਜਾਂਦੀ
ਤੈਨੂੰ ਕਿੰਝ ਸਮਝਾਵਾਂ ਸੱਜਣਾ ਵੇ
ਤੈਥੋਂ ਨਜ਼ਰ ਹਟਾਈ ਨਹੀਂ ਜਾਂਦੀ
ਅੱਜ ਦਿਲ ਦੀਆਂ ਰਮਜਾਂ ਪੜ ਲੈ ਤੂੰ
ਵੇ ਤੂੰ ਧੜਕਣ ਬਣ ਕੇ ਵੱਸਦਾ ਏਂ
ਮੇਰੇ ਹੋਠਾਂ ਦੀ ਸੁਰਖ ਸਵੇਰ ਲਈ
ਬਣ ਰਿਸ਼ਮ ਤੂੰ ਕੋਲ ਮੇਰੇ ਹੱਸਦਾ ਏਂ
ਮੇਰੇ ਸਾਹ ਵੀ ਆਮਾਨਤ ਤੇਰੇ ਨੇ
ਪੀੜਾ ਰੂਹ ਦੀ ਵਿਖਾਈ ਨਹੀਂ ਜਾਂਦੀ
ਤੈਨੂੰ ਕਿੰਝ ਸਮਝਾਵਾਂ ਸੱਜਣਾ ਵੇ
ਤੈਥੋਂ ਨਜ਼ਰ ਹਟਾਈ ਨਹੀਂ ਜਾਂਦੀ
ਆਰ.ਬੀ.ਸੋਹਲ
