ਚਿਹਰਾ ਹਮੇਸ਼ਾ ਨਾਲ ਹੈ ਤੇਰਾ ਚਰਾਗ ਵਾਂਗ

ਕਿੰਨਾ ਹੈ ਦਿਲ ਉਦਾਸ ਤੇ ਗਮਗੀਨ ਸ਼ਾਮ ਹੈ
ਕਿਥੇ ਹੈ ਤੇਰੇ ਚਿਹਰੇ ਦੀ ਕੰਦੀਲ ਸ਼ਾਮ ਹੈ

ਕਾਫਿਰ ਹਾਂ ਪਰ ਨਿਸਾਰ ਹਾਂ ਕੁਦਰਤ ਰੰਗ ਤੋ
ਗੀਤਾ ਗਰਾਂ ਦੀ ਵੀ ਬੜੀ ਤਬਦੀਲ ਸ਼ਾਮ ਹੈ

ਖੇਤਾ ਚ ਚਿਮਨੀਆ ਦਾ ਹੈ ਧੂੰਆਂ ਹਰੇਕ ਥਾਂ
ਮੇਰੇ ਗਰਾਂ ਦੀ ਵੀ ਬੜੀ ਤਬਦੀਲ ਸ਼ਾਮ ਹੈ

ਸ਼ੈਦਾਈ ਤਿਤਲੀਆ ਦਾ ਤੂੰ ਜਸ਼ਨਾ ਤੂੰ ਮਰੀਜ
ਪਰ ਮੇਰੇ ਆਲ੍ਹਣੇ ਅਜੇ ਹਰ ਤੀਲ ਸ਼ਾਮ ਹੈ

ਚਿਹਰਾ ਹਮੇਸ਼ਾ ਨਾਲ ਹੈ ਤੇਰਾ ਚਰਾਗ ਵਾਂਗ
ਭਾਵੇ ਇਹ ਜਿਦਗੀ ਹਜਾਰਾ ਮੀਲ ਸ਼ਾਮ ਹੈ

ਫੁੱਲਾ ਦੇ ਸ਼ੀਸ਼ਿਆ ਚ ਹੈ ਮੁੜ ਮੁੜ ਕੇ ਵੇਖਦੀ
ਕਿੰਨੀ ਬਣੀ ਠਣੀ ਸਜੀ ਰੰਗੀਨ ਸ਼ਾਮ ਹੈ

ਲੇਖਕ ਗੁਰਪ੍ਰੀਤ

gooooood

nice one...

very good