ਕਾਗਜ਼ ਉੱਤੇ

Arun Bhardwaj

-->> Rule-Breaker <<--
ਮੈਂ ਹਰ ਲਫਜ ਲਹੂ ਨਾਲ ਲਬੇੜਕੇ ਲਿਖਿਆ ਏ
ਆਪਣੀ ਬੁਣੀ ਜਿੰਦਗੀ ਨੂੰ ਉਧੇੜਕੇ ਲਿਖਿਆ ਏ

ਸਾਵਣ ਦੀ ਰੁੱਤ ਵਿਚ ਦਿਲ ਨੂੰ ਪਿਆਸਾਂ ਰੱਖਿਆ
ਕਾਗਜ਼ ਉੱਤੇ ਨੈਣਾਂ ਦਾ ਖੂਹ ਗੇੜਕੇ ਲਿਖਿਆ ਏ

ਰੌਣਕਾਂ ਨੇ ਜਿੰਦਗੀ ਚ ਕਦੇ ਦਸਤਕ ਨਹੀ ਦਿੱਤੀ
ਤਾਹੀਂ ਸਾਜ਼ ਤਨਹਾਈਆਂ ਦਾ ਛੇੜਕੇ ਲਿਖਿਆ ਏ

ਵਿਛਾ ਦਿੰਦੀ ਇਹ ਇਕ ਇਕ ਪਲ ਵਰਕੇ ਤੇ ਮੇਰਾ
ਜਿੰਨਾ ਲਿਖਿਆ ਸ਼ਾਇਰੀ ਨੇ ਮੈਨੂੰ ਘੇਰਕੇ ਲਿਖਿਆ ਏ

ਕੋਈ ਮੇਰੇ ਰੋਂਦੇ ਜਜਬਾਤਾਂ ਦੀ ਆਵਾਜ ਨਾ ਸੁਣ ਲਵੇ
ਲਾਲੀ ਨੇ ਹਰ ਇਕ ਸ਼ੇਅਰ ਬੂਹੇ ਭੇੜਕੇ ਲਿਖਿਆ ਏ

ਰਿਟਨ ਬਾਏ..........ਲਾਲੀ ਅੱਪਰਾ
 
Top