ਕਦੇ ਪੁੱਛਿਆ ਨਾ

ਕਦੇ ਪੁੱਛਿਆ ਨਾ

ਕਦੇ ਪੁੱਛਿਆ ਨਾ ਮੁੜ ਕੇ ਤੂੰ ਹਾਲ ਸੱਜਣਾ i
ਤੁਸਾਂ ਕੀਤੀ ਨਈਓਂ ਚੰਗੀ ਸਾਡੇ ਨਾਲ ਸੱਜਣਾ i

ਸਾਡੇ ਦਿਲ ਦੀਆਂ ਜੂਹਾਂ ਧਾਹਾਂ ਮਾਰ ਰੋਂਦੀਆਂ,
ਅੱਖਾਂ ਤੇਰੀਆਂ ਉਡੀਕਾਂ ਵਿਚ ਨਈਓਂ ਸੌਂਦੀਆਂ,
ਇੰਝ ਬੀਤ ਗਏ ਮਹੀਨੇ ਕਈ ਸਾਲ ਸੱਜਣਾ i
ਤੁਸਾਂ ਕੀਤੀ ਨਈਓਂ ਚੰਗੀ ਸਾਡੇ ਨਾਲ ਸੱਜਣਾ i

ਤੈਨੂੰ ਚੁਣਿਆ ਸੀ ਪਰੇ ਰੱਖ ਦੁਨੀਆਂ ਨੂੰ ਲੱਖਾਂ,
ਸਾਥੋਂ ਵਾਂਗ ਅਨਜਾਣ ਅੱਜ ਮੋੜੀਆਂ ਨੇ ਅੱਖਾਂ,
ਰੋਂਦਾ ਰੋਮ ਰੋਮ ਕੱਲਾ ਕੱਲਾ ਵਾਲ ਸੱਜਣਾ i
ਤੁਸਾਂ ਕੀਤੀ ਨਈਓਂ ਚੰਗੀ ਸਾਡੇ ਨਾਲ ਸੱਜਣਾ i

ਸਾਡੇ ਮੁੱਖ ਤੇ ਉਦਾਸੀ ਰੁੱਸੇ ਬੁੱਲੀਆਂ ਤੋਂ ਹਾਸੇ,
ਤੁਸਾਂ ਬਣਕੇ ਮਲਾਹ ਅੱਗ ਲਾਈ ਚਾਰੇ ਪਾਸੇ,
ਸਾਡੇ ਰਾਹਾਂ ਵਿਚ ਆਏ ਬੜੇ ਖ਼ਾਲ ਸੱਜਣਾ i
ਤੁਸਾਂ ਕੀਤੀ ਨਈਓਂ ਚੰਗੀ ਸਾਡੇ ਨਾਲ ਸੱਜਣਾ i

ਤੈਨੂੰ ਹਰਫ਼ਾਂ ਦੇ ਮੋਤੀ ਲੈ ਕੇ ਜੜਦਾ ਰਿਹਾ,
ਤੇਰਾ ਕਰਕੇ ਸ਼ਿੰਗਾਰ ਨਿਤ ਪੜਦਾ ਰਿਹਾ,
ਗੀਤ ਹੋਏ ਸੋਹਲ ਗੁੰਗੇ ਟੁੱਟੀ ਤਾਲ ਸੱਜਣਾ i
ਤੁਸਾਂ ਕੀਤੀ ਨਈਓਂ ਚੰਗੀ ਸਾਡੇ ਨਾਲ ਸੱਜਣਾ i
ਆਰ.ਬੀ.ਸੋਹਲ​