ਅੱਖਾਂ ਤਕਨੋ ਕਦੀ ਨਾ ਰਹਿੰਦੀਆਂ ਨੇ

ਅੱਖਾਂ ਤਕਨੋ ਕਦੀ ਨਾ ਰਹਿੰਦੀਆਂ ਨੇ
ਲਿਆ ਜਿਨ੍ਹਾ ਨੂੰ ਵਿੱਚ ਵਸਾ ਅੱਖਾਂ

ਜਦੋਂ ਤੀਰ ਨਜ਼ਰ ਦਾ ਛੱਡ ਦੇਵਣ
ਓਸ ਪਲ ਹੀ ਲੈਂਦੀਆਂ ਭਰਮਾ ਅੱਖਾਂ

ਵਿਹੰਦਿਆਂ ਅੱਜ ਇਹ ਚਾਰ ਹੋਈਆਂ
ਕਿੰਝ ਦਿਲਬਰ ਤੋਂ ਲਵਾਂ ਚੁਰਾ ਅੱਖਾਂ

ਅਦਬ ਨਾਲ ਕਦੀ ਇਹ ਝੁਕ ਜਾਵਣ
ਕਦੀ ਵੇਖ ਕੇ ਰਹਿੰਦੀਆਂ ਸ਼ਰਮਾ ਅੱਖਾਂ

ਜ਼ਬਾਨੋਂ ਕੁਝ ਨ੍ਹੀ ਜਦੋਂ ਕਹਿ ਹੁੰਦਾ
ਦੇਣ ਨਜ਼ਰਾਂ ਤੋਂ ਫਿਰ ਇਹ ਸੁਣਾ ਅੱਖਾਂ

ਇੱਕ ਪੱਲ ਵਿਛੋੜਾ ਸਹਿੰਦੀਆਂ ਨਾ
ਦਿਲਬਰ ਦੀ ਤੱਕਣ ਸਦਾ ਰਾਹ ਅੱਖਾਂ

ਦਿਲ ਭਾਰਾ ਸੱਜਣ ਜਦੋਂ ਦੂਰ ਹੋਵੇ
ਲੈਂਣ ਯਾਦਾਂ ਵਿਚ ਹੰਝੂ ਵਹਾ ਅੱਖਾਂ

ਜਦ ਦੀਆਂ ਸੋਹਲ ਇਹ ਲੱਗੀਆਂ ਨੇ
ਉਸ ਦਿਨ ਤੋਂ ਵੇਖੀਆਂ ਨਾ ਲਾ ਅੱਖਾਂ

ਆਰ.ਬੀ.ਸੋਹਲ​
 
Top