BaBBu
Prime VIP
ਅਰਗ਼ਵਾਨੀ, ਚਿੱਟੀਆਂ, ਹਰੀਆਂ, ਸੁਨਹਿਰੀ ਬਦਲੀਆਂ ।
ਹਿਰਨੀਆਂ ਦੇ ਵਾਂਗ ਉਡੀਆਂ ਫਿਰਨ ਲਹਿਰੀ ਬਦਲੀਆਂ ।
ਜਦ ਕਦੇ ਬਰਸਣ ਤਾਂ ਬਰਸਣ ਬਦਲੀਆਂ ਪਿੰਡ ਦੀਆਂ,
ਇਹ ਤਾਂ ਨਿਰੀਆਂ ਹੀ ਠਗਾਊ ਯਾਰ ਸ਼ਹਿਰੀ ਬਦਲੀਆਂ ।
ਕੌਣ ਹੈ ਏਥੇ, ਤੂੰ ਮੈਨੂੰ ਵੇਲ ਵਾਂਗੂੰ ਲਿਪਟ ਜਾ,
ਜਾਂ ਕਲਹਿਰੀ ਮੋਰ ਏਥੇ, ਜਾਂ ਰੁਪਹਿਰੀ ਬਦਲੀਆਂ।
ਵੇਖਣੇ ਨੂੰ ਭੋਲੀਆਂ ਮਾਸੂਮ ਤੇ ਸ਼ਰਮੀਲੀਆਂ,
ਉਂਝ ਨਿਰੀਆਂ ਅਗ ਦੀਆਂ ਨਾੜਾਂ ਨੇ ਕਹਿਰੀ ਬਦਲੀਆਂ।
ਘੁਸਮੁਸੇ ਵਿਚ ਝੀਲ ਅੰਦਰ ਤਰਦੀਆਂ ਨੇ ਸ਼ਾਮ ਨੂੰ,
ਕਣਕਵੰਨੀਆਂ, ਸੌਲੀਆਂ, ਚਿਟੀਆਂ, ਸੁਨਹਿਰੀ ਬਦਲੀਆਂ।
ਔੜ ਹੈ ਏਥੇ ਕਿਤੇ ਬਦਲੀ ਦੀ ਇਕ ਕਾਤਰ ਨਹੀਂ,
ਰੋਜ਼ ਪੈਲਾਂ ਪਾਉਣ ਚੰਡੀਗੜ੍ਹ 'ਚ ਲਹਿਰੀ ਬਦਲੀਆਂ।
ਕਿਸ ਤਰ੍ਹਾਂ 'ਜਗਤਾਰ' ਬਚ ਜਾਏਗਾ ਭਿੱਜਣ ਤੋਂ ਭਲਾ,
ਵਰ੍ਹਦੀਆਂ ਹੁਸ਼ਿਆਰਪੁਰ ਵਿਚ ਨਿਤ ਸੁਨਹਿਰੀ ਬਦਲੀਆਂ।
ਹਿਰਨੀਆਂ ਦੇ ਵਾਂਗ ਉਡੀਆਂ ਫਿਰਨ ਲਹਿਰੀ ਬਦਲੀਆਂ ।
ਜਦ ਕਦੇ ਬਰਸਣ ਤਾਂ ਬਰਸਣ ਬਦਲੀਆਂ ਪਿੰਡ ਦੀਆਂ,
ਇਹ ਤਾਂ ਨਿਰੀਆਂ ਹੀ ਠਗਾਊ ਯਾਰ ਸ਼ਹਿਰੀ ਬਦਲੀਆਂ ।
ਕੌਣ ਹੈ ਏਥੇ, ਤੂੰ ਮੈਨੂੰ ਵੇਲ ਵਾਂਗੂੰ ਲਿਪਟ ਜਾ,
ਜਾਂ ਕਲਹਿਰੀ ਮੋਰ ਏਥੇ, ਜਾਂ ਰੁਪਹਿਰੀ ਬਦਲੀਆਂ।
ਵੇਖਣੇ ਨੂੰ ਭੋਲੀਆਂ ਮਾਸੂਮ ਤੇ ਸ਼ਰਮੀਲੀਆਂ,
ਉਂਝ ਨਿਰੀਆਂ ਅਗ ਦੀਆਂ ਨਾੜਾਂ ਨੇ ਕਹਿਰੀ ਬਦਲੀਆਂ।
ਘੁਸਮੁਸੇ ਵਿਚ ਝੀਲ ਅੰਦਰ ਤਰਦੀਆਂ ਨੇ ਸ਼ਾਮ ਨੂੰ,
ਕਣਕਵੰਨੀਆਂ, ਸੌਲੀਆਂ, ਚਿਟੀਆਂ, ਸੁਨਹਿਰੀ ਬਦਲੀਆਂ।
ਔੜ ਹੈ ਏਥੇ ਕਿਤੇ ਬਦਲੀ ਦੀ ਇਕ ਕਾਤਰ ਨਹੀਂ,
ਰੋਜ਼ ਪੈਲਾਂ ਪਾਉਣ ਚੰਡੀਗੜ੍ਹ 'ਚ ਲਹਿਰੀ ਬਦਲੀਆਂ।
ਕਿਸ ਤਰ੍ਹਾਂ 'ਜਗਤਾਰ' ਬਚ ਜਾਏਗਾ ਭਿੱਜਣ ਤੋਂ ਭਲਾ,
ਵਰ੍ਹਦੀਆਂ ਹੁਸ਼ਿਆਰਪੁਰ ਵਿਚ ਨਿਤ ਸੁਨਹਿਰੀ ਬਦਲੀਆਂ।
