BaBBu
Prime VIP
ਇਸ ਸ਼ਾਮ ਘਣੀ ਕਹਿਰ ਬਣੀ, ਡਸ ਰਹੇ ਸਾਏ।
ਨੈਣਾਂ 'ਚ ਜਗੇ ਦੀਪ ਤਾਂ ਦਿਲ ਬੁਝਦਾ ਈ ਜਾਏ।
ਵਲਦਾਰ ਡਗਰ, ਰਾਤ, ਸਫ਼ਰ, ਦਰਦ, ਵਿਛੋੜਾ,
ਦਿਲ ਰਹਿ ਹੀ ਗਿਆ ਤੂੰ ਤਾਂ ਬੜੇ ਵੇਸ ਵਟਾਏ।
ਪਰਬਤ ਦੀ ਗੁਫ਼ਾ, ਬੰਦ ਹਵਾ, ਕੰਧ ਚੁਫ਼ੇਰੇ,
ਆਵਾਜ਼ ਕਿਤੋਂ ਆਏ ਨਾ ਪਰ ਕੋਈ ਬੁਲਾਏ ।
ਸਾਵਨ ਦੀ ਘਟਾ, ਰੰਗ, ਹਵਾ ਸ਼ਾਮ ਦੀ ਰਿਮ ਝਿਮ ,
ਇਹ ਦਿਨ ਵੀ ਜੇ ਆਏ ਤਾਂ ਅਸੀਂ ਸ਼ਹਿਰ ਪਰਾਏ ।
ਖੰਡਰਾਤ ਹੀ ਖੰਡਰਾਤ, ਘਣੀ ਰਾਤ, ਖ਼ਮੋਸ਼ੀ,
ਅਪਣੇ ਹੀ ਜਿਵੇਂ ਦਿਲ ਦੇ ਨਗਰ ਪਰਤ ਹਾਂ ਆਏ।
ਜੰਗਲ ਦੀ ਜਿਵੇਂ ਸ਼ਾਮ ਡਰਾਉਣੀ ਤੇ ਲੁਭਾਉਣੀ,
ਇਉਂ ਯਾਦ ਤੇਰੀ ਆ ਕੇ ਕਈ ਰੰਗ ਵਖਾਏ।
ਗੁਜ਼ਰੇ ਉਹ ਮੇਰੇ ਕੋਲ ਦੀ ਇਉਂ ਝਿਜਕ ਸਿਮਟ ਕੇ,
ਜੰਗਲ ਦੀ ਜਿਵੇਂ ਮੂਨ ਕੋਈ ਸ਼ਹਿਰ 'ਚ ਆਏ।
ਨੈਣਾਂ 'ਚ ਜਗੇ ਦੀਪ ਤਾਂ ਦਿਲ ਬੁਝਦਾ ਈ ਜਾਏ।
ਵਲਦਾਰ ਡਗਰ, ਰਾਤ, ਸਫ਼ਰ, ਦਰਦ, ਵਿਛੋੜਾ,
ਦਿਲ ਰਹਿ ਹੀ ਗਿਆ ਤੂੰ ਤਾਂ ਬੜੇ ਵੇਸ ਵਟਾਏ।
ਪਰਬਤ ਦੀ ਗੁਫ਼ਾ, ਬੰਦ ਹਵਾ, ਕੰਧ ਚੁਫ਼ੇਰੇ,
ਆਵਾਜ਼ ਕਿਤੋਂ ਆਏ ਨਾ ਪਰ ਕੋਈ ਬੁਲਾਏ ।
ਸਾਵਨ ਦੀ ਘਟਾ, ਰੰਗ, ਹਵਾ ਸ਼ਾਮ ਦੀ ਰਿਮ ਝਿਮ ,
ਇਹ ਦਿਨ ਵੀ ਜੇ ਆਏ ਤਾਂ ਅਸੀਂ ਸ਼ਹਿਰ ਪਰਾਏ ।
ਖੰਡਰਾਤ ਹੀ ਖੰਡਰਾਤ, ਘਣੀ ਰਾਤ, ਖ਼ਮੋਸ਼ੀ,
ਅਪਣੇ ਹੀ ਜਿਵੇਂ ਦਿਲ ਦੇ ਨਗਰ ਪਰਤ ਹਾਂ ਆਏ।
ਜੰਗਲ ਦੀ ਜਿਵੇਂ ਸ਼ਾਮ ਡਰਾਉਣੀ ਤੇ ਲੁਭਾਉਣੀ,
ਇਉਂ ਯਾਦ ਤੇਰੀ ਆ ਕੇ ਕਈ ਰੰਗ ਵਖਾਏ।
ਗੁਜ਼ਰੇ ਉਹ ਮੇਰੇ ਕੋਲ ਦੀ ਇਉਂ ਝਿਜਕ ਸਿਮਟ ਕੇ,
ਜੰਗਲ ਦੀ ਜਿਵੇਂ ਮੂਨ ਕੋਈ ਸ਼ਹਿਰ 'ਚ ਆਏ।