ਚਿੱਠੀਆਂ ਵੰਡਣ ਵਾਲਿਆ ........

ਸੱਤ ਸਮੁੰਦਰੋਂ ਪਾਰ ਗਿਆ ਉਹ
ਕਰ ਕੇ ਕੌਲ ਕਰਾਰ ਗਿਆ ਉਹ
ਦਿਲ ਵੀ ਤੱਕ-ਤੱਕ ਹਾਰ ਗਿਆ ਉਹ
ਮਾਹੀ ਮੇਰੇ ਦੀ ਕਾਲੀ ਕੰਬਲੀ, ਝੋਲੇ ਵਿਚ ਪਾ ਲਿਆ ਵੇ
ਚਿੱਠੀਆ ਵੰਡਣ ਵਾਲਿਆ ਵੇ, ਚਿੱਠੀਆਂ ਵੰਡਣ ਵਾਲਿਆ

ਸਾਉਣ ਦੀ ਬਦਲੀ ਵਰ-ਵਰ ਜਾਵੇ
ਯਾਦ ਪਰੀਤਮ ਦੀ ਦਿਲ ਤੜਪਾਵੇ
ਖਤ ਪਰੀਤਮ ਦਾ ਕੋਈ ਨਾ ਆਵੇ
ਜੇ ਖਤ ਉਸਦਾ ਲਿਆ ਨੀ ਸਕਦਾ, ਸਿਰਨਾਵਾਂ ਹੀ ਲਿਆ ਦੇ ਵੇ
ਚਿੱਠੀਆ ਵੰਡਣ ਵਾਲਿਆ ਵੇ, ਚਿੱਠੀਆਂ ਵੰਡਣ ਵਾਲਿਆ

ਤੁੰ ਪਰੀਤਮ ਦਾ ਲਿਆਵੇਂ ਸੁਨੇਹੜਾ
ਤੇਰੇ ਵਰਗਾ ਦਰਦੀ ਕਿਹੜਾ
ਪਰ ਜੇ ਮੇਰਾ ਸੱਖਣ ਵਿਹੜਾ
ਸਖਤੇ ਦੇ ਨਾਲ ਪਿਆਰ ਵੰਡਾ ਕੇ, ਰੋਗ ਹੱਡਾਂ ਨੂੰ ਲਾ ਲਿਆ ਵੇ
ਚਿੱਠੀਆ ਵੰਡਣ ਵਾਲਿਆ ਵੇ, ਚਿੱਠੀਆਂ ਵੰਡਣ ਵਾਲਿਆ ........


ਸੰਤ ਰਾਮ ਉਦਾਸੀ

bahut khoob

thank u veer ji

bahut vadiya ji

लाजबाब शेर है

wow

nycc. yaar.