ਖ਼ੁਸ਼ਬੂ - ਮਹਿੰਦਰਪਾਲ ਸਿੰਘ ਪਾਲ

JUGGY D

BACK TO BASIC
ਫੁੱਲ ਕਹੋ ਖ਼ੁਸ਼ਬੂ ਕਹੋ ਨਿਹਮਤ ਕਹੋ।
ਪਰ ਨਾ ਲੋਕੋ ਧੀਆਂ ਨੂੰ ਪੱਥਰ ਕਹੋ।
ਬੁਹਤ ਲਿਖ ਚੁੱਕੇ ਹੋ ਕਿੱਸੇ ਹੁਸਨ ਦੇ
ਹੁਣ ਕਿਸੇ ਮਜ਼ਲੂਮ ਦਾ ਕਿੱਸਾ ਲਿਖੋ ।
ਬਾਲਦੇ ਫਿਰਦੇ ਹੋ ਦੀਵੇ ਹਰ ਜਗ੍ਹਾ
ਆਪਣੇ ਹਿਰਦੇ ਨੂੰ ਵੀ ਰੌਸ਼ਨ ਕਰੋ।
ਆਦਮੀ ਦੇ ਦੁਸ਼ਮਣਾਂ ਤੋਂ ਦੋਸਤੋ
ਮੋੜ ਲਉ ਮੁਖ ਤੇ ਕਿਨਾਰਾ ਕਰ ਲਵੋ।
ਹਰ ਲੜਾਈ ਹੱਕ ਤੇ ਇਨਸਾਫ਼ ਦੀ
ਹੌਸਲੇ ਦੇ ਨਾਲ ਨਿਤ ਲੜਦੇ ਰਵੋ।
ਪਾਲ ਛੇੜੋ ਤਾਨ ਕੋਈ ਅਮਨ ਦੀ
ਜੰਗ ਦੇ ਰਾਗਾਂ ਤੋਂ ਤੋਬਾ ਕਰ ਲਵੋ।
 
Top