ਸੋਹਣੀ ਧਰਤੀ - ਬੇਅੰਤ ਸਿੰਘ ਗਿੱਲ ਮੋਗਾ

ਸਭ ਕੁਝ ਤੂੰ ਤਾਂ ਜਾਣੇ ਰੱਬਾ ਕਿੰਨੀ ਕੁ ਹੈ ਸੋਹਣੀ ਧਰਤੀ
ਭੱਜ ਪੰਜਾਬੀ ਜਿੱਧਰ ਨੂੰ ਸਭ ਜਾਈ ਜਾਂਦੇ ਨੇ

ਭੁੱਲਕੇ ਸਕੇ ਸਬੰਧੀ ਛੱਡਕੇ ਸੋਹਣੇ ਸੱਜਣਾ ਨੂੰ
ਤੋੜਕੇ ਰਿਸ਼ਤੇ ਮੋਹ ਪੈਸੇ ਨਾਲ ਪਾਈ ਜਾਂਦੇ ਨੇ

ਵੇਚ ਜਮੀਨਾਂ ਜਾਣ ਜੋ ਉਂਥੇ ਜਾਨ ਵੀ ਦਾ ਤੇ ਲਾ ਦਿੰਦੇ
ਸਮਝ ਨਾ ਆਂਉਦੀ ਕਾਹਤੋਂ ਦੁੱਖ ਕਮਾਈ ਜਾਂਦੇ ਨੇ

ਮੰਨਿਆਂ ਕਿ ਉਹ ਖੱਟਣ ਪੈਸਾ ਘਰ ਬਾਰ ਵੀ ਪਾ ਲੈਂਦੇ
ਪਰ ਜੰਮਣ,ਖੇਡਣ ਵਾਲੀ ਥਾਂ ਗਵਾਈ ਜਾਂਦੇ ਨੇ

ਬੱਚੇ ਵੀ ਹੁਣ ਛੱਡ ਪੰਜਾਬੀ ਇੰਗਲਿਸ਼ ਬੋਲਣ ਲਾ ਦਿੱਤੇ
ਨਵਿਆਂ ਦੇ ਸੰਗ ਸੱਭਿਆਚਾਰ ਭੁਲਾਈ ਜਾਂਦੇ ਨੇ

ਸਭ ਲੋਕੀ ਨੇ ਸਿਫਤਾਂ ਕਰਦੇ ਕਹਿਣ ਸਵਰਗ ਤੋਂ ਸੋਹਣੇ ਨੇ
ਰੱਬਾ ਉਹਨਾ ਦੇਸ਼ਾਂ ਨੂੰ ਇੱਕ ਵਾਰ ਦੇਖਣਾ ਚਾਹੁੰਦਾਂ ਹਾ

ਕਿੰਨੇ ਚੰਗੇ ਲੋਕ ਨੇ ਉਂਥੇ ਕਿੰਨੇ ਦਿਲ ਦੇ ਮਾੜੇ ਨੇ
ਕਿੰਨੀ ਨਫਰਤ ਕਰਦੇ ਕਿੰਨਾ ਪਿਆਰ ਦੇਖਣਾ ਚਾਹੁੰਦਾਂ ਹਾਂ

"ਬੇਅੰਤ" ਦੇ ਕੋਲੋ ਖੋਹਲਿਆ ਇਹਨਾਂ ਥਾਵਾਂ ਸੱਜਣ ਪਿਆਰੇ ਨੂੰ
ਕੀਹਨੂੰ ਲਾਰਾ ਕਹਿੰਦੇ ਕੀ ਇਕਰਾਰ ਦੇਖਣਾ ਚਾਹੁੰਦਾ ਹਾਂ

"ਬੇਅੰਤ" ਦੇ ਕੋਲੋ ਖੋਹਲਿਆ ਇਹਨਾਂ ਥਾਵਾਂ ਸੱਜਣ ਪਿਆਰੇ ਨੂੰ
ਛੱਡਕੇ ਮੈਨੂੰ ਗਿਆ ਜੋ ਉਂਥੇ ਯਾਰ ਦੇਖਣਾ ਚਾਹੁੰਦਾ ਹਾਂ

nice ....

laajawab janaab.