ਦਿਲ,ਮਨ ,ਪਰਦੇਸ ਤੇ ਮੈ........

Yaar Punjabi

Prime VIP
ਕਾਲਜੇ ਚ ਹੋਲ ਪੈਣ ਲੱਗੇ ਨੇ
ਦਿਲ ਤੇ ਮਨ ਅੱਜ ਖਹਿਣ ਲੱਗੇ ਨੇ,

ਮਨ ਕਹਿੰਦਾ ਚਲ ਚੱਲੀਏ ਪਰਦੇਸ
ਦਿਲ ਚੰਦਰਾ ਆਖੇ ਛੱਡ ਨੀ ਹੋਣਾ ਦੇਸ
ਮਨ ਕਰੇ ਦੇਸ ਦਾ ਕਾਲਾ ਪਾਸਾ ਪੇਸ
ਦਿਲ ਕਹਿੰਦਾ ਆਪਣਾ ਆਪਣਾ ਹੁੰਦਾ
ਬਦਲ ਨਾ ਜਾਵੀ ਭੇਸ"
"ਮਾਪੇ ਵੀ ਜਦ ਮਨ ਦੀ ਹਾਮੀ ਭਰ ਗਏ
ਦਿਲ ਨੂੰ ਕੱਲਾ ਜਾ ਕਰ ਗਏ
ਦਿਲ ਚ ਪੈਣ ਵੈਣ ਲੱਗੇ ਨੇ

ਕਾਲਜੇ ਚ ਹੋਲ ਪੈਣ ਲੱਗੇ ਨੇ
ਦਿਲ ਤੇ ਮਨ ਅੱਜ ਖਹਿਣ ਲੱਗੇ ਨੇ,

ਵਧਦੇ ਖਰਚੇ ਵਧਦੇ ਕਰਜੇ
ਬਚਾ ਲੈ ਪੁੱਤਰਾ ਇਸ ਤੋ ਪਹਿਲਾ ਕਿਸਾਨ ਇਕ ਹੋਰ ਮਰਜੇ
ਜੇ ਤੂੰ ਬਾਹਰਲੇ ਮੁਲਖ ਚ ਪੜਜੇ
ਦਿਨ ਪੁਰਾਣੇ ਪਰਤ ਆਉਣਗੇ
ਜੇ ਪੈਰਾ ਆਪਣਿਆ ਤੇ ਖੜਜੇ"
ਹੁਣ ਦੇਸ ਨੂੰ ਮੂਹਰੇ ਰੱਖਾ ਜਾ ਰੱਖਾ ਮੂਹਰੇ ਮਾਪਿਆ ਨੂੰ
ਅੰਤ ਦਿਲ ਮਨ ਦੀ ਮੰਨ ਗਿਆ ਪੈਦੇ ਵੇਖ ਸਿਆਪਿਆ ਨੂੰ,
ਫਿਰ ਦਿਲਾਸਾ ਦੇਣ ਲਈ"ਵਿਰਸਾ ਤਾ ਦਿਲ ਚ ਵਸਦਾ"
ਲੋਕੀ ਦਿਲ ਨੂੰ ਕਹਿਣ ਲੱਗੇ ਨੇ

ਕਾਲਜੇ ਚ ਹੋਲ ਪੈਣ ਲੱਗੇ ਨੇ
ਦਿਲ ਤੇ ਮਨ ਅੱਜ ਖਹਿਣ ਲੱਗੇ ਨੇ,

12 ਘੰਟੇ ਨਿੱਤ ਕੰਮ ਕਰਕੇ ਮਨ ਪੁੱਠੀ ਪੱਟੀ ਪੜਦਾ
ਜੋ ਸੀ ਆਉਣ ਲਈ ਕਾਹਲਾ ਉਹ ਮਨ ਮੁੜ ਜਾਣ ਨੂੰ ਕਰਦਾ
ਪਰ ਦਿਲ ਦਾ ਜੋਰ ਦੇਖੋ ਇਹ ਨੀ ਹਿੰਮਤ ਹਰਦਾ
ਇਹ ਹਿੰਮਤ ਕਰੇ ਨਾ ਕਿਵੇ,ਮੁੜ ਮੁੜ
ਘਰ ਦਾ ਜਿਕਰ,ਫਿਕਰ ਇਹਦੇ ਸਾਵੇ ਆ ਖੜਦਾ,
"ਆਪਣੀ ਜਿੰਦਗੀ ਮਰਜੀ ਨਾਲ ਜੀ ਲਈਏ ਮਨ ਕਹਿੰਦਾ ਡਾਲਰ ਕਮਾਕੇ
ਦਿਲ ਡਾਲਰ ਘਰ ਭੇਜਣ ਨੂੰ ਘਰੇ ਰੀਝਾ ਆਪਣੀਆ ਦਬਾਕੇ"
"ਮਨਦੀਪ" ਇਕ ਗੱਲ ਸੱਚੀ ਮਿਲੀ ਮਨ ਤੇ ਦਿਲ ਦੀ
ਦੋਵੇ ਹੀ ਲੱਗਦੇ ਨਹੀ ਜਦੋ ਦੇ ਪੰਜਾਬ ਤੋ ਦੂਰ ਰਹਿਣ ਲੱਗੇ ਨੇ

ਕਾਲਜੇ ਚ ਹੋਲ ਪੈਣ ਲੱਗੇ ਨੇ
ਦਿਲ ਤੇ ਮਨ ਅੱਜ ਖਹਿਣ ਲੱਗੇ ਨੇ,
 
Top