![[JUGRAJ SINGH]](https://www.unp.me/data/avatars/m/123/123038.jpg?1591210006){kind=avatar}
ਦਿੱਲੀ ਦੇ ਮੇਜਰ ਧਿਆਨ ਚੰਦ ਨੈਸ਼ਨਲ ਸਟੇਡੀਅਮ 'ਚ ਜਾਰੀ ਹਾਕੀ ਵਿਸ਼ਵ ਲੀਗ ਫਾਈਨਲ ਦੇ ਵਿਚ ਭਾਰਤ ਦਾ ਨਿਰਾਸ਼ਾਜਨਕ ਪ੍ਰਦਰਸ਼ਨ ਜਾਰੀ ਹੈ, ਅੱਜ ਖੇਡੇ ਗਏ ਮੈਚ 'ਚ ਭਾਰਤੀ ਟੀਮ ਨਿਊਜ਼ੀਲੈਂਡ ਤੋਂ 1-3 ਨਾਲ ਹਾਰ ਗਈ, ਟੂਰਨਾਮੈਂਟ 'ਚ ਭਾਰਤੀ ਟੀਮ ਦੀ ਇਹ ਲਗਾਤਾਰ ਦੂਸਰੀ ਹਾਰ ਸੀ | ਨਿਊਜ਼ੀਲੈਂਡ ਦੀ ਟੀਮ ਨੇ ਤਿੰਨੋ ਗੋਲ ਮੈਦਾਨੀ ਕੀਤੇ, ਇਕ ਗੋਲ ਪਹਿਲੇ ਅੱਧ 'ਚ ਜਦਕਿ ਦੋ ਗੋਲ ਦੂਸਰੇ ਅੱਧ ਵਿਚ ਹੋਇਆ | ਨਿਊਜ਼ੀਲੈਂਡ ਵਲੋਂ ਪਹਿਲੇ ਮਿੰਟ 'ਚ ਹੀ ਸ਼ੇਆ ਮਕੇਲੀਜ਼ ਨੇ ਗੋਲ ਕੀਤਾ ਜਦਕਿ ਸਟੀਫਨ ਜੇਨਸ ਨੇ ਦੂਸਰੇ ਅੱਧ 'ਚ ਦੋ ਗੋਲ ਕੀਤੇ | ਹਾਲਾਂਕਿ ਮੈਚ ਖਤਮ ਹੋਣ ਤੋਂ 2 ਮਿੰਟ ਪਹਿਲਾਂ ਹੀ ਭਾਰਤੀ ਟੀਮ ਵਲੋਂ ਮਨਦੀਪ ਸਿੰਘ ਨੇ ਗੋਲ ਕਰਕੇ ਹਾਰ ਦਾ ਅੰਤਰ ਘੱਟ ਕੀਤਾ | ਕੱਲ੍ਹ ਵਾਂਗ ਅੱਜ ਦੇ ਮੈਚ 'ਚ ਵੀ ਭਾਰਤੀ ਟੀਮ ਪੂਰੇ ਮੈਚ 'ਚ ਬਿਖਰੀ ਨਜ਼ਰ ਆਈ ਅਤੇ ਪਹਿਲੇ ਅੱਧ 'ਚ ਟੀਮ ਗੋਲ ਕਰਨ ਦਾ ਇਕ ਮੌਕਾ ਵੀ ਬਣਾ ਨਹੀਂ ਸਕੀ | ਪੂਰੇ ਮੈਚ 'ਚ ਭਾਰਤ ਦੇ ਮਿਡਫੀਲਡ ਅਤੇ ਫਾਰਵਰਡ ਲਾਈਨ ਦੇ ਖਿਡਾਰੀਆਂ ਵਿਚਾਲੇ ਤਾਲਮੇਲ ਦੀ ਘਾਟ ਰਹੀ | ਡਿਫੈਂਸ 'ਚ ਵਰਿੰਦਰ ਲਾਕੜਾ ਨੇ ਬਹੁਤ ਖਰਾਬ ਪ੍ਰਦਰਸ਼ਨ ਕੀਤਾ |
![[JUGRAJ SINGH]](https://www.unp.me/data/avatars/s/123/123038.jpg?1591210006){kind=avatar}