yu to dekhe hain maine kai bade sawal par ek hi hai jisne ki

yu to dekhe hain maine
kai bade sawal
par ek hi hai jisne kiya
sabse bada bawal
aur woh hai "aur batao"

yu to maine
diye aur paye hain
jawab har sawal ke...
par ek hi hai jiska
jawab me
paseena poch raha hu
rumal nikal ke
aur woh hai "aur batao"

sochta hu ye prashn
aakhir kahan se aaya hai
kya hua aisa ki ye
logo ki juban par chhaya hai..
har koi mujhse sirf
yahi kehta hai "aur batao"

pehle har koi mujhse
karta tha seedha sawal
kya kiya,kyon kiya,
kya kar rahe ho aajkal
seedha sawal seedha jawab
par jiske jawab me
kuch nahi kah pata
woh hai "aur batao"

is "aur" ke liye
main kya kahu
lagta hai bas
chup hi rahu
seedhe pooncho
jo janna hai...
main bhi kahunga
jo mera manna hai..
bas yahi ek cheez
mat kaho
woh hai "aur batao"

jab logo ke paas
nahi hota hai
kahne ko kuch bhi
bore ho rahe hote hain,
aur baat karni hoti hai
kisi se kuch bhi
tab log jo kahte hain
woh hai "aur batao"

jawab iska
nahi hota hai
unke paas bhi
agar koi bahu
ye poonch le to
pareshaan ho jayegi
uski saas bhi
istemaal ho raha hai jo
ek shashtra ki tarah
woh hai "aur batao"

sabhi ke liye hai
hai ye sawal
woh apna hai ya
paraya hai..
mahima iski dekho
isne to naari jaati
ka bhi munh band
karaya hai.....
mantri santri ke paas
bhi nahi hai jiska jawab
woh hai "aur batao"

unhe kya batau jo
apne hain,sab jaante
hain pehle se
parayon ko kuch
batana nahi hai
to jawab me main bhi
yahi poonchta hu aise
ki nehle ka jawab dehle se
vinti hai meri sabse ki
kuch bhi pooncho mujhse
bas jo mat pooncho
woh hao "aur batao"