yeh zindagi say taaruf ki ibtada thi meri

~¤Akash¤~

Prime VIP
Jo ab Ghamand say Sir Ko utahaay Phirta Hai

main mar mita to woh samjha yeh inteha thi meri
usay khaber hi na thi, khaak kimia thi meri

mai chup howa to who samjha kay baat khatam hoi
phir us kay baad to awaz ja baja thi meri

main us ko yaad karoon bhi to yaad nahi ata
main us ko bhool gaya hoon yehi saza thi meri

kahien dimagh,kahein dil kahien badan hi badan
har aik say dosti yaari juda juda thi meri

koi bhi ko-e-muhabbat say phir nahi guzra
To shaher-e-ishq mai kia aakhri sada thi meri

jo ab ghamand say sir ko utahaay phirta hai
isi tarhaan ki makhlook khaak-e-paa thi meri

mai us ko daikhta rahta tha hairatoon say faraz
yeh zindagi say taaruf ki ibtada thi meri
 
Top