Yeh bhi ik silsila-i-kun fayakoon hay, youn hay ...

Is ka apna hi karishma hay fasoon hay, youn hay
Youn tou kehnay ko sabhi kethtay hain youn hay youn hay

Jaisay koee darr-i-dil pay ho staada kab say
Ik saya nah droon hay nah broon hay, youn hay

Tum nain daikhi hi nahi dasht-i-wafa ki tasweer
Nok-i-har khaar pay ik qatara-i-khoon hay, youn hay

Tum mohabbat main kahan sood-o-zian lay aaey
Ishq ka naam khird hay nah junoon hay, youn hay


Ab tum aaey ho meri jaan tamasha karnay
Ab tou darya main talatam nah sukoon hay, youn hay

Naasiha tujh ko khabar kia keh mohabbat kia hay
Roz aa jata hay samjhata hay, youn hay youn hay

Shairi taaza zamanoon ki hay maimaar
Yeh bhi ik silsila-i-kun fayakoon hay, youn hay ...