waadon ke phere honge, dil sazade karega.

gori hatheliyon pe mehndi sulagati hogi,
sokhi jigar ki teri palakon pe dhalati hogi,
aaoonga mahtaab mein le chaand ka teeka,
sooraj ki surkhee tere maathe pe sajati hogi.

kazare se baadalon ki kuchh an-ban si thanegi,
gaalon se gale milane aankhiyon se chhanengi,
kuchh til-se saj parenge,kuchh lab be jamenge,
dhank lenge aaftaab ko, nazarein na lagengi.

tarsenge teri deed ko yeh chaand sitare,
jal jayenge jal se hi aasmaan ke nazare,
tham jayegi halchal pawan ki,but hoga harek pal,
chup chaap sunenge hamaari baat ye saare.

shabdon ko zameen denge kuchh mook isare,
ankhiyon mein bindhe honge labzon ke fuhare,
barsenge pooree raat kuchh oons chahat ke,
dam lenge ghadi bhar ko do dil ke sarare.

thapkayenge,samajhayenge,par kuchh na kahenge,
har gam mein khushiyon ke do ghoont bharenge,
maqbool honge mujhko tere beete sab lamhe,
har ek kshan ko apne,teri aanchal mein rakhenge.

dulhan banegi husn aur ishq dulha banega,
sehere mein jism hoga,rooh ghoonghat mein rahega,
har shay duaayein dega,hawa mantra kahegi,
waadon ke phere honge, dil sazade karega.